ଆଜି ମାଟ୍ରିକ ପରୀକ୍ଷାର ଦ୍ୱିତୀୟ ଦିନ : ଇଂରାଜୀ ବିଷୟରେ ପରୀକ୍ଷା ଦେବେ ଛାତ୍ରଛାତ୍ରୀ
କନକ ବ୍ୟୁରୋ : ଆଜି ମାଟ୍ରିକ ପରୀକ୍ଷାର ଦ୍ୱିତୀୟ ଦିନ । ଇଂରାଜୀ ଭାଷାରେ ପରୀକ୍ଷା ଦେବେ ଛାତ୍ରଛାତ୍ରୀ । ସକାଳ ୯ଟା ରୁ ୧୧ଟା୩୦ ପର୍ଯ୍ୟନ୍ତ ହେବ ପରୀକ୍ଷା । ୮ଟା୧୫ରେ ଛାତ୍ରଛାତ୍ରୀମାନେ ପରୀକ୍ଷା ହଲରେ ପ୍ରବେଶ କରିବେ । ୮ଟା ୩୦ରେ ଓଏମଆରସିଟ ଓ ୯ଟା ୪୫ରେ ସଂକ୍ଷିପ୍ତ ଉତ୍ତର ମୂଳକ ଓ ଦୀର୍ଘ ଉତ୍ତର ମୂଳକ ପ୍ରଶ୍ନ ପତ୍ର ଦିଆଯିବ । ପ୍ରଥମ ଦିନର ପ୍ରଶ୍ନପତ୍ର ଲିକ ନେଇ ଅଭିଯୋଗ ଆସିବା ପରେ ଆଜିର ପରୀକ୍ଷାକୁ ଅତି ସର୍ତକତାର ସହ ପରିଚାଳନା କରିବାକୁ ପଦକ୍ଷେପ ନେଇଛନ୍ତି ବୋର୍ଡ଼ କର୍ତ୍ତୃପକ୍ଷ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ପ୍ରଥମ ଦିନର ପରୀକ୍ଷାରେ ମାତୃଭାଷାର ଦୁଇଟି ସେଟର ପ୍ରଶ୍ନ ପତ୍ର ଲିକ ହେବା ନେଇ ଅଭିଯୋଗ ହୋଇଥିଲା । ମାଟ୍ରିକ ପରୀକ୍ଷା ଆରମ୍ଭରୁ ଦେଖା ଦେଇଥିଲା ବିଭ୍ରାଟ । ହ୍ୱାଟସଆପରେ ଘୁରି ବୁଲିଥିଲା ମାତୃଭାଷାର ପ୍ରଶ୍ନ ପତ୍ର । କେନ୍ଦ୍ରାପଡ଼ା ଜିଲ୍ଲା ଆଳି ବଜାର ଅଂଚଳରେ ହ୍ୱାଟସଆପରେ ମାତୃଭାଷାର ପ୍ରଶ୍ନପତ୍ର ଭାଇରାଲ ହୋଇଥିବା ସୂଚନା ମିଳିଥିଲା । ପରୀକ୍ଷାର ଘଂଟାଏ ପୂର୍ବରୁ ଲିକ ହୋଇଥିଲା ପ୍ରଶ୍ନପ୍ରତ୍ର । ତେବେ ଏହାକୁ ଗଣଶିକ୍ଷା ବିଭାଗ ଖଣ୍ଡନ କରିଥିଲା । ଏହି ଘଟଣାକୁ ଖଣ୍ଡନ କଲେ ମଧ୍ୟ ମାଟ୍ରିକ ପରୀକ୍ଷାକୁ ସୁଚାରୂପେ କରିବା ପାଇଁ ସଚିବାଳୟରେ ବସିଥିଲା ଘନଘନ ବୈଠକ ।