ମହିଳାଙ୍କ ସୁରକ୍ଷା ପାଇଁ ସବୁବେଳେ ଡିଣ୍ଡିମ ପିଟୁଥିବା ଦିଲ୍ଲୀ ପୁଲିସର ଜଣେ ଆଇଆଇସିଙ୍କ କଳା କାରନାମା ଏବେ ସାମ୍ନାକୁ ଆସିଛି । ଯାହା ଦିଲ୍ଲୀ ସରକାରଙ୍କ ପାଇଁ ଏକ ପ୍ରକାର ଲଜ୍ଜା ପାଲଟି ଯାଇଛି । ଉକ୍ତ ଅଫିସରଙ୍କ ବିରୋଧରେ ଆସିଛି ଯୌନ ନିର୍ଯାତନା ଭଳି ସଙ୍ଗୀନ ଅଭିଯୋଗ । ଆଉ ଏହି ଅଭିଯୋଗ ଆଣିଛନ୍ତି ଖୋଦ୍ କିଛି ମହିଳା ପୁଲିସ୍ । ଏକାଥରେ ୨୪ ଜଣ ମହିଳା ପୁଲିସ୍ ଏହି ଅଭିଯୋଗ ଆଣି ଅଭିଯୁକ୍ତଙ୍କ ଅସଲ ମୁଖା ଖୋଲିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୁକ୍ତ ଆଇଆଇସି ଜଣକ ପୀଡିତା ମାନଙ୍କ ପ୍ରତି ଅଶ୍ଳୀଳ ଶବ୍ଦ ବ୍ୟବହାର କରିବା ସହ କ୍ୟାରିୟର ମଧ୍ୟ ଶେଷ କରିଦେବାର ଧମକ ଦିଅନ୍ତି ବୋଲି ଅଭିଯୋଗ ହୋଇଛି । ଏପରିକି ସେମାନଙ୍କ ଶରୀରର ବିଭିନ୍ନ ଅଙ୍ଗକୁ ନେଇ କମେଂଟ୍ ମଧ୍ୟ କରିଥାନ୍ତି । ତେବେ ଆଶ୍ଚର୍ଯ୍ୟର କଥା ହେଉଛି ଏନେଇ କମିଶନର , ଡିସିପି , ଏପରିକି ଭିଜିଲାନ୍ସ ଜାଣି ମଧ୍ୟ ଚୁପ ରହିଛି । ଅଭିଯୁକ୍ତକୁ ଗିରଫ କରିବା ତ ଦୂରର କଥା ମାମଲା ମଧ୍ୟ ରୁଜୁ କରୁ ନାହାନ୍ତି । ଫଳରେ ନ୍ୟାୟ ପାଇବାର ଆଶା ଏବେ ଏହି ପୀତିତାମାନଙ୍କୁ ମହିଳା ଆୟୋଗର ଦ୍ୱାରସ୍ଥ କରାଇଛି ବୋଲି ରିପୋର୍ଟ ପ୍ରକାଶ କରିଛି ଜାଗରଣ ।