ମୋବାଇଲ ନମ୍ବର ପୋର୍ଟ କଲେ ଖର୍ଚ୍ଚ ହେବ ଖୁବ ଅଳ୍ପ ଟଙ୍କା ! ଶୁଳ୍କ ହ୍ରାସ କରିବା ପାଇଁ ଟ୍ରାଇ ନେଲା ନିଷ୍ପତ୍ତି
ମୋବାଇଲ ନମ୍ବର ପୋର୍ଟେବିଲିଟି ପାଇଁ ଆଦାୟ ହେଉଥିବା ଦେୟ ପରିମାଣ କମିବାର ସମ୍ଭାବନା ରହିଛି । ପୂର୍ବରୁ ଏମଏନପି କଲେ ଦେଉଥିବା ଟଙ୍କାକୁ କମାଇବାକୁ ଭାରତୀୟ ଦୂରସଂଚାର ନିୟାମକ ପ୍ରାଧିକରଣ (ଟ୍ରାଇ) ବିଚାର କରୁଛି । ବଜେଟ ୨୦୧୮ରେ ଦୂରସଂଚାର ମନ୍ତ୍ରାଳୟ ମୋବାଇଲ ନମ୍ବରକୁ ପୋର୍ଟ କରିବା ପାଇଁ ଲାଗୁଥିବା ଶୁଳ୍କକୁ ହ୍ରାସ କରିବା ପାଇଁ ଘୋଷଣା କରିଛି । ଏବେ ମୋବାଇଲ ନମ୍ବରକୁ ଏକ ଟେଲିକମ ସର୍ଭିସ ପ୍ରୋଭାଇଡରକୁ ପୋର୍ଟ କରିବା ପାଇଁ ୧୯ ଟଙ୍କା ବଦଳରେ ୪ ଟଙ୍କା ଶୁଳ୍କ ଲାଗିବ ବୋଲି ଚର୍ଚ୍ଚା ହେଉଛି । ଦୂରସଂଚାର ନିୟାମକ ପ୍ରଧିକରଣ (ଟ୍ରାଇ) ଶୁଳ୍କ କାଟୁଥିବା ସମ୍ବନ୍ଧୀତ ପ୍ରସ୍ତାବକୁ ଗତବର୍ଷ ଡିସେମ୍ବର ମାସରେ ପଠାଇଥିଲା । ଏବେ ଏହି ପ୍ରସ୍ତାବକୁ ଗ୍ରହଣ କରି ଦୂରସଂଚାର ମନ୍ତ୍ରାଳୟ ସବୁଜ ସଂକେତ ଦେଇଛି । ଟ୍ରାଇର କହିବାନୁସାରେ ପୋର୍ଟିଂ ଶୁଳ୍କ ଅଧିକ ଥିଲା । ସେ ଅନୁସାରେ ଟ୍ରାଂଜାକ୍ସନ ବହୁତ କମ ହେଉଥିଲା । ଏଥିପାଇଁ ଟ୍ରାଇ ଏହି ବିଷୟରେ ସାଧାରଣ ଲୋକଙ୍କ ଓ ଷ୍ଟେକହୋଲ୍ଡରଙ୍କୁ ମତ ମାଗିଥିଲା । ୨୦୦୯ରେ ଏହି ଚାର୍ଚ୍ଚକୁ ଧାର୍ଯ୍ୟ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଟ୍ରାଇ ନଭେମ୍ବର ୨୦୦୯ରେ ୧୯ ଟଙ୍କା ପୋର୍ଟିଂ ଚାର୍ଚ୍ଚ ଧାର୍ଯ୍ୟ କରିଥିଲା, ଯେତେବେଳେ ସରକାର ମୋବାଇଲ ନମ୍ବର ପୋର୍ଟିବିଲିଟି (ଏମଏନପୀ) ଆରମ୍ଭ କରିଥିଲା । ସେତେବେଳେ ଏମଏନପି କେବଳ ସାର୍କିଲରେ ଲାଗୁଥିଲା । ଜୁଲାଇ ୨୦୧୫ରେ କେନ୍ଦ୍ର ସରକାର ଏହାକୁ ବଢାଇ ପୂରା ଦେଶରେ ଲାଗୁ କରିଥିଲା । ଏହା ପରେ ଏମଏନପି କରିବା ପାଇଁ ଗ୍ରାହକମାନଙ୍କ ସଂଖ୍ୟା ବଢିବା ଦେଖିବାକୁ ମିଳିଥିଲା । ଟ୍ରାଇ ୧୯ ଟଙ୍କା ପରିବର୍ତ୍ତେ ୪ ଟଙ୍କା ଶୁଳ୍କ ରଖିବାକୁ ପ୍ରସ୍ତାବ ଦେଇଛି ।
କେଉଁ କେଉଁ ବର୍ଷରେ କେତେ ଲୋକ ପୋର୍ଟିଂ କରିଥିଲେ
୨୦୧୦-୨୦୧୧ରେ ପାଖାପାଖି ୬୪ ଲକ୍ଷ ଲୋକ ଏମଏନପି ସେବାକୁ ବ୍ୟବହାର କରିିଥିଲେ । ୨୦୧୪-୨୦୧୫ରେ ମୋଟ ୩.୬୮ କୋଟି ଗ୍ରାହକ ଏମଏନପି କରିଥିଲ । ବେଳେ ୨୦୧୬-୨୦୧୭ରେ ୬.୩୬ କୋଟି ଲୋକ ଏହି ସେବାକୁ ବ୍ୟବହାର କରିଲେ ।