ସିଏଜି ଧରିଲେ ଇନ୍ଦିରା ଆବାସର ସତ ! ଫଟୋ ଗୋଟିଏ, କିନ୍ତୁ ହିତାଧିକାରୀ ଅନେକ
କନକ ବ୍ୟୁୋରା : ୨୦୧୬-୧୭ ଆର୍ଥିକ ବର୍ଷର ରିପୋର୍ଟ ଦେଇଛନ୍ତି ସିଏଜି । ସରକାରଙ୍କ ଆର୍ଥିକ ପରିଚାଳନା ଓ କ୍ଷତି ନେଇ ଖୁଣ ବାହାର କରିଛନ୍ତି ଭାରତର ମହାଲେଖା ନିୟନ୍ତ୍ରକ ଓ ମହାସମୀକ୍ଷକ । ଇନ୍ଦିରା ଅବାସ ଭଳି ସରକାରଙ୍କ ବିଭିନ୍ନ ଯୋଜନାରେ ହୋଇଥିବା ଅନିୟମିତତାକୁ ଧରିଛନ୍ତି ସିଏଜି । ଗୋଟିଏ ଘରର ଫଟୋକୁ କିପରି ଦୁଇଟି ହିତାଧିକାରୀଙ୍କ ନାଁରେ ଦେଖାଯାଇଛି, ତାହାର ଉଦାହରଣ ଦେଖାଇଛନ୍ତି ସିଏଜି ।
Kanak News is now on WhatsApp
Join and get latest news updates delivered to you via WhatsApp
ନରେଗା ସଫ୍ଟ ଭୁବନରେ ସୁନ୍ଦରଗଡ଼ ଜାମୁଡିହି ଗ୍ରାମ ପଂଚାୟତର ଗୋଟିଏ ଇନ୍ଦିରା ଆବାସ ଫଟୋକୁ ଦୁଇଟି ଭିନ୍ନ ଭିନ୍ନ କାର୍ଯ୍ୟ ପାଇଁ ଦରଜ କରାଯାଇଥିବା ଦର୍ଶାଯାଇଛି । ଅଡିଟ୍ ସମୟରେ ଏଭଳି ତ୍ରୁଟି ଧରିଛନ୍ତି ଭାରତର ମହାଲେଖା ନିୟନ୍ତ୍ରକ ।
ଗୋଟିଏ ପଟେ ସରକାରଙ୍କ ସଫଳତା ଓ ବିଫଳତା ସିଏଜି ବଖାଣୁଥିବା ବେଳେ ଅନ୍ୟପଟେ ଲୋକୟୁକ୍ତ ନିଯୁକ୍ତି ଦାବିରେ ବିଧାନସଭାରେ ହଙ୍ଗାମା । ବିଧାନସଭାରେ ଲୋକାପାଳ ଆଇନ କାର୍ଯ୍ୟକାରୀ ଦାବିରେ ବିରୋଧୀଙ୍କ ହଟ୍ଟଗୋଳ । ପ୍ରଶ୍ନକାଳ ସମୟରେ ଲୋକାୟୁକ୍ତ ନିଯୁକ୍ତି ପ୍ରସଙ୍ଗ ଉଠାଇଥିଲେ ବିରୋଧୀ ଦଳ ନେତା ନରସିଂହ ମିଶ୍ର । ପୂର୍ବତନ ଲୋକପାଳଙ୍କ ଦେହାନ୍ତକୁ ୪ବର୍ଷ ବିତିଯାଇଥିଲେ ମଧ୍ୟ ନୂଆ ଲୋକପାଳ କିମ୍ବା ଲୋକାୟୁକ୍ତ ନିଯୁକ୍ତି କାହିଁକି କରିନାହାନ୍ତି ବୋଲି ପ୍ରଶ୍ନ କରିଥିଲେ ନରସିଂହ । କଂଗ୍ରେସ ଓ ବିଜେପି ସଦସ୍ୟଙ୍କ ହଟ୍ଟଗୋଳ କରିଥିବା ବେଳେ ପରେ ପରେ କଂଗ୍ରେସ ବିଧାୟକମାନେ ଗୃହର ମଧ୍ୟ ଭାଗକୁ ଆସି ହଟ୍ଟଗୋଳ କରିଥିଲେ । ଗୃହରେ ବିରୋଧୀଙ୍କ ହଙ୍ଗାମା ଯୋଗୁଁ ବାଚସ୍ପତି ଗୃହକୁ ପ୍ରଥମେ ସାଢେ ୧୨ଟା ଓ ପରେ ଦିନ ୩ଟା ଯାଏ ମୂଲତବୀ କରିଥିଲେ ।