ସପ୍ତାହରେ ମାତ୍ର ୪ ଦିନ କାମ କଲେ ମିଳିବ କୋଟିଏରୁ ଅଧିକ ବେତନ, ହେଲେ ଏହାପରେ ବି ଏହି କମ୍ପାନୀକୁ ମିଳୁନାହାନ୍ତି ଲୋକ
ସପ୍ତାହରେ ମାତ୍ର ୪ ଦିନ କାମ କଲେ ମିଳିବ କୋଟିଏରୁ ଅଧିକ ଟଙ୍କା ବେତନ
କନକ ବ୍ୟୁରୋ : ସପ୍ତାହରେ ମାତ୍ର ୪ ଦିନ କାମ କଲେ ମିଳିବ କୋଟିଏରୁ ଅଧିକ ଟଙ୍କା ବେତନ । ମିଳିଥିବା ସୂଚନା ଅନୁସାରେ, ଏକ କମ୍ପାନୀ ଏପରି ନିଯୁକ୍ତି ପାଇଁ ଇଚ୍ଛୁକ ରହିଛି । ପାଖାପାଖି ୯୫ ହଜାର ଡଲାର ଦରମା ଦେବା ପାଇଁ କମ୍ପାନୀ ମଧ୍ୟ ପ୍ରସ୍ତୁତ ଥିବା ଜଣାପଡିଛି । କମ୍ପାନୀରେ କାମ କରୁଥିବା ବେଳେ ଯଦି ଆପଣଙ୍କ ଅଭିଜ୍ଞତା ବଢିବ ତେବେ ସେହି ଅନୁସାରେ ବେତନ ବଢି ୧କୋଟି ୪୨ ଲକ୍ଷ ଟଙ୍କା ହୋଇଯାଇପାରେ । ହେଲେ ତଥାପି ଏହି କମ୍ପାନୀକୁ ସଠିକ ପିଲା ମିଳୁନାହାନ୍ତି କାମ କରିବା ପାଇଁ ।
Kanak News is now on WhatsApp
Join and get latest news updates delivered to you via WhatsApp
ଗୁରୁତ୍ୱପୂର୍ଣ୍ଣ କଥା ହେଲା ଯେ, ଏହି ଚାକୁରୀ କରିବା ପାଇଁ କମ୍ପାନୀ ପକ୍ଷରୁ କୌଣସି ଅଧିକ ଡିଗ୍ରୀ ପଢିଥିବା ପିଲା ମଧ୍ୟ ଦରକାର ନଥିବା ମଧ୍ୟ ଜଣାପଡିଛି । ବୟସ ୨୦ ହୋଇଥିବା ଦରକାର ଏବଂ ସେ ଉଚ୍ଚମାଧ୍ୟମିକ ବିଦ୍ୟାଳୟରେ ପାଠ ପଢିଥିବା ଦରକାର । ମିଳିଥିବା ସୂଚନା ଅନୁସାରେ ନ୍ୟୁଜିଲାଣ୍ଡର ଏକ ବିମାନବନ୍ଦର କମ୍ପାନୀର ଟ୍ରାଫିକ କଣ୍ଟ୍ରୋାଲର ଏପରି ନିଯୁକ୍ତି ବାହାରିଛି । ସେଠାକାର ବିମାନବନ୍ଦରର ଜଣେ ବରିଷ୍ଠ ଅଧିକାରୀ ଦେଇଥିବା ସୂଚନା ଅନୁସାରେ ବର୍ତମାନ ସମୟରେ ଆମକୁ ପିଲା ଦରକାର ଅଛି ।
ତେଣୁ ଆମେ ଏପରି ପିଲାଙ୍କ ସହ କଥାବାର୍ତା କରିବା ପାଇଁ ଇଚ୍ଛା ରଖିବୁ ଯେ, ଏପରି କାମକୁ ପସନ୍ଦ କରିବ ଅଥବା ଚାକିରୀ ପାଇଁ ଇଚ୍ଛା ରଖିବ । ଏହାସହ ସେ ଆହୁରି ମଧ୍ୟ କହିଛନ୍ତି ଯେ, ଏହି ଚାକିରୀ ପାଇଁ ଅନେକ ପିଲା ଆବେଦନ କରନ୍ତି ହେଲେ ବହୁତ କନ ପିଲା ଏହାକୁ ପାସ କରିପାରନ୍ତି । ଆବେଦନକାରୀଙ୍କୁ ୧ ବର୍ଷ ପର୍ଯ୍ୟନ୍ତ ମାଗଣାରେ ଟ୍ରେନିଂ ଦିଆଯିବାର ବ୍ୟବସ୍ଥା ମଧ୍ୟ କରାଯିବ ବୋଲି ସୂଚନା ମିଳିଛି । ଏହି ଚାକିରୀ କରିବା ପାଇଁ ଅନେକ ପିଲାମାନେ ଆବେଦନ କରିବେ କାରଣ ଏହାପାଇଁ କୌଣସି ଡିଗ୍ରୀ ମଗାଯାଇନାହିଁ । କେବଳ ନ୍ୟୁଜିଲ୍ୟାଣ୍ଡରେ ନୁହେଁ ବରଂ ଅନେକ ଦେଶରେ ଏପରି ନିଯୁକ୍ତି ବାହାରୁଥିବା କମ୍ପାନୀର ଜଣେ ବରିଷ୍ଠ ଅଧିକାରୀ କହିଛନ୍ତି ।