ଦେଶବାସୀଙ୍କ ପାଇ ଉପହାରର ବର୍ଷା କଲେ ମୋଦି ସରକାର ! ୨୦ଟି ନୂଆ ଏମ୍ସ ପ୍ରତିଷ୍ଠା ପାଇଁ ଘୋଷଣା
ଆଉ ଦିନ କେଇଟାରେ ମୋଦି ସରକାରର କାର୍ଯ୍ୟକାଳକୁ ୪ ବର୍ଷ ପୂରଣ ହେବ । ତେବେ ଏହା ପୂର୍ବରୁ ମୋଦି ସରକାର ଦେଶବାସୀଙ୍କ ପାଇଁ ଉପହାରର ବର୍ଷା କରିଛନ୍ତି । ୪ ବର୍ଷ କାର୍ଯ୍ୟକାଳ ପୂରା ହେବା ପୂର୍ବରୁ ଅନେକ ଯୋଜନା ଘୋଷଣା କରିଛନ୍ତି । ଏନେଇ ବୁଧବାର ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ କେନ୍ଦ୍ର କ୍ୟାବିନେଟରେ ଅନେକ ଗୁରୁତ୍ୱପୂର୍ଣ୍ଣ ଯୋଜନାର ଘୋଷଣା କରାଯାଇଛି । ଖାସକରି ସ୍ୱାସ୍ଥ୍ୟ ଓ କୃଷକଙ୍କ ଉପରେ ଗୁରୁତ୍ୱ ଦେଇଛନ୍ତି ମୋଦି ସରକାର । କ୍ୟାବିନେଟ ବୈଠକରେ କୃଷକଙ୍କ ଆୟ ୨୦୨୨ ସୁଦ୍ଧା ଦୁଇଗୁଣ କରିବା ଓ ଦେଶରେ ୨୦ଟି ନୂଆ ଏମ୍ସ ପ୍ରତିଷ୍ଠା କରିବା ପାଇଁ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ କହିଛନ୍ତି, କୃଷି ବିଭାଗର ୧୧ଟି ଯୋଜନାକୁ ଏକାଠି କରି ହରିିତ କ୍ରାନ୍ତି କୃଷି ଉନ୍ନତି ଯୋଜନା ଘୋଷଣା କରାଯିବ । ଏହି ଯୋଜନାରେ ବଜେଟରେ ମଧ୍ୟ ବୃଦ୍ଧି କରାଯିବ । ଏହି ଯୋଜନାରେ ୨୦୧୯-୨୦୨୦ ଆର୍ଥିକ ବର୍ଷ ପାଇଁ ମୋଟ ୩୩,୨୭୩ କୋଟି ଟଙ୍କାର ବଜେଟ ରଖାଯାଇଛି । ଏହାବ୍ୟତୀତ ନବନିର୍ମାଣ ଯୋଜନାରେ ୩ଟି ଏୟାରପୋର୍ଟକୁ ଅପଗ୍ରେଡ଼ କରିବାକୁ ମଞ୍ଜୁରୀ ଦେଇଛନ୍ତି ମୋଦି ସରକାର । ଚେନ୍ନାଇ, ଲକ୍ଷେ୍ନା, ଗୌହାଟୀ ବିମାନବନ୍ଦରର ସମ୍ପ୍ରସାରଣ କରାଯିବ । ଏଥିପାଇଁ ମୋଟ ୫୦୦୦ କୋଟି ଟଙ୍କା ଖର୍ଚ୍ଚ ହେବ ।