ଟପ୍ପର ବଖାଣିଲେ ସଫଳତାର ସୂତ୍ର । +୨ ବିଜ୍ଞାନରେ ରାଜ୍ୟର ଏକ ନମ୍ବର ଛାତ୍ର ଦେଲେ ପରୀକ୍ଷା ପ୍ରସ୍ତୁତି ଟିପ୍ସ ।
କନକ ବ୍ୟୁରୋ: ଗତକାଲି ପ୍ରକାଶ ପାଇଥିବା +୨ ବିଜ୍ଞାନ ପରୀକ୍ଷାରେ ୯୭ ହଜାର ପିଲାଙ୍କୁ ପଛରେ ପକାଇ ରାଜ୍ୟରେ ଟପ୍ପର ହୋଇଛନ୍ତି ବିଜେବି କଲେଜର ଭବାନୀ ଶଙ୍କର ପଟ୍ଟନାୟକ । ଭୁବନେଶ୍ବରସ୍ଥିତ ବିଜେବି କଲେଜର ଛାତ୍ର ଭବାନୀ ଶଙ୍କର ପଟ୍ଟନାୟକ ୬୦୦ରୁ ୫୫୯ ମାର୍କ ରଖି ରାଜ୍ୟରେ ଟପ୍ପର ହୋଇଛନ୍ତି । ତେବେ ଭବାନୀଙ୍କ ଏହି ସଫଳତା ପଛର ସିକ୍ରେଟ ନେଇ କହିଛନ୍ତି କି, ଦିନକୁ ୫ ରୁ ୬ ଘଣ୍ଟା ଧ୍ୟାନ ଦେଇ ପଢୁଥିଲି ଏବଂ ପଢ଼ାବେଳେ କେବଳ ପାଠ ଉପରେ ଧ୍ୟାନ ରହୁଥିଲା । ଏଭଳି ସଫଳତା ପଛରେ ବାପା ମା’ଙ୍କ ଠାରୁ ଆରମ୍ଭ କରି ସମସ୍ତ ଶିକ୍ଷକ-ଶିକ୍ଷୟତ୍ରୀଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ରାଜ୍ୟରେ ଟପ୍ପର ହେବା ଭଳି ସୁନାମ ଅର୍ଜନ କରିବା ନେଇ ଭବାନୀ କହିଛନ୍ତି କି, ବଡ଼ ବଡ଼ ସ୍ୱପ୍ନ ଦେଖିବା ନିତ୍ୟାନ୍ତ ଅବାଶ୍ୟକ । ଆଉ ଏହାକୁ ବାସ୍ତବରେ ପରିଣତ କରିବା ପାଇଁ ପରିଶ୍ରମ କରିବା ମଧ୍ୟ ଜରୁରୀ । ଏହାର ଫଳ ଭଗବାନ ହିଁ ପ୍ରଦାନ କରିବେ । ମୋ ପରିଶ୍ରମ ଏବଂ ବାପା ମା’ଙ୍କ ଆଶୀର୍ବାଦ ପାଇଁ ମୋତେ ଆଜି ଏଭଳି ସଫଳତା ମିଳିଛି । ମୋର ଆଗାମୀ ଲକ୍ଷ୍ୟ ଆଇ.ଆଇ.ଟି ପାଇବା । କାରଣ ଆଇ.ଆଇ.ଟି ପାଇବା ପାଇଁ ମୁଁ ବହୁତ ପରିଶ୍ରମ କରିଛି ତେଣୁ ମୁଁ ଆଶୟୀ ଅଛି ଯେ, ଆଇ.ଆଇ.ଟି ମୁଁ ପ୍ରାପ୍ତ କରିବି ।
ସେହିଭଳି ଭବାନୀଙ୍କ ବାଦ୍ ବିଜେବି କଲେଜର ଛାତ୍ରୀ ଶୁଭଶ୍ରୀ ମହାରଣା ମଧ୍ୟ ଦ୍ୱିତୀୟ ସ୍ଥାନ ହାସଲ କରିଛନ୍ତି । ସେ ୬୦୦ରୁ ୫୫୮ ନମ୍ବର ରଖି ଦ୍ବିତୀୟ, ଜୁପିଟର ସାଇନ୍ସ କଲେଜର ଛାତ୍ର ଅଂଶୁମାନ କର ୫୫୭ ନମ୍ବର ରଖି ତୃତୀୟ ସ୍ଥାନରେ ରହିଛନ୍ତି । ଟପ୍ ୧୦ ତାଲିକାରେ ୧୩ ଜଣ ଛାତ୍ରଛାତ୍ରୀ ରହିଛନ୍ତି।