କଟକ : କାରରୁ ମିଳିଲା ୩୦ ଲକ୍ଷ ଟଂକା । କଟକର ମଙ୍ଗୁଳି ଟୋଲ୍ ଗେଟ୍ ନିକଟରୁ ପୁଲିସ୍ ଏହି ଟଙ୍କା ଜବତ କରିଛି । ୪ ଟି ବସ୍ତାରୁ ମିଳିଛି ୨୯ ଲକ୍ଷ ୫୦ ହଜାର ଟଙ୍କା । କାରରେ ଥିବା ଦୁଇ ଜଣ ବ୍ୟବସାୟୀଙ୍କୁ ପୋଲିସ ଅଟକ ରଖି ପଚରା ଉଚରା କରୁଛି । ସେମାନେ ହେଲେ ବାଲେଶ୍ୱର ଜିଲ୍ଲା ଜଳେଶ୍ୱର ସର୍ପିଆ ଅଂଚଳର ମନୋରଂଜନ ଦାସ ଓ କଂସିଆପଡାର ବିଷ୍ଣୁ ସାହୁ ।
Kanak News is now on WhatsApp
Join and get latest news updates delivered to you via WhatsApp
ଜବତ ଟଙ୍କା ମଧ୍ୟରେ ରହିଛି ୧୦ ଟଙ୍କାରୁ ଆରମ୍ଭ କରି ଦୁଇ ହଜାର ଟଙ୍କା ଯାଏଁ ନୂଆ ନୋଟ୍ । କେବଳ ୧୭ ଲକ୍ଷର ୨ ହଜାର ଟଙ୍କିଆ ନୋଟ୍ ରହିଛି । ସେହିପରି ୬ ଲକ୍ଷର ଶହେ ଟଙ୍କିଆ, ୧ ଲକ୍ଷର କୋଡିଏ ଟଂକିଆ, ୫ ଲକ୍ଷ ୪୫ ହଜାରର ୧୦ ଟଙ୍କିଆ ଏବଂ ୫ ହଜାର ଟଙ୍କାର ଖୁଚୁରା ନୋଟ୍ । ଅଟକ ଥିବା ଦୁଇ ଜଣ କହିଛନ୍ତି ସେମାନେ ଗୁଆ ବ୍ୟବସାୟୀ ।
ଟଙ୍କା ଆଦାୟ ପାଇଁ ସେମାନେ କଟକ ଆସିଥିଲେ ଏବଂ ବ୍ୟବସାୟୀଙ୍କ ଠାରୁ ଟଙ୍କା ନେଇ ଫେରୁଥିଲେ । ତେବେ ପୋଲିସ ଜବତ ଟଙ୍କା ସହ ଦୁଇ ଜଣଙ୍କୁ ଆୟକର ବିଭାଗକୁ ହସ୍ତାନ୍ତର କରିଛି । କାରଟି ବାଲେଶ୍ୱରର ବିଶ୍ୱଜିତ୍ ଦାସଙ୍କ ନାଁରେ ରହିଛି । ତେବେ ପଚରାଉଚରା ବେଳେ ଏମାନେ ଟଙ୍କା କେଉଁଠୁ ଆଣିଛନ୍ତି ସେନେଇ ନିର୍ଦ୍ଦିଷ୍ଟ ଭାବେ ସୂଚନା ଦେଇପାରୁନଥିବା ଆୟକର ବିଭାଗ ଅଧିକାରୀ କହିଛନ୍ତି ।
ଏହାସହ ଦେଖନ୍ତୁ ଏହି ଭିଡିଓ :