ବିଜୟରୁ ଅଭିଯାନ ଆରମ୍ଭ କଲା ଟିମ୍ ଇଣ୍ଡିଆ ! ପ୍ରଥମ ଦିନିକିଆରେ ଭାରତଠାରୁ ୨୬ ରନରେ ହାରିଲା ଅଷ୍ଟ୍ରେଲିଆ
କନକ ବ୍ୟୁରୋ: ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜରେ ବିଜୟ ସହ ଅଭିଯାନ ଆରମ୍ଭ କରିଛି ଟିମ୍ ଇଣ୍ଡିଆ । ଚେନ୍ନାଇରେ ଖେଳାଯାଇଥିବା ପ୍ରଥମ ଦିନିଆରେ ଭାରତ, ଅଷ୍ଟ୍ରେଲିଆକୁ ୨୬ ରନ୍ରେ ପରାସ୍ତ କରିଛି । ହାର୍ଦ୍ଦିକ୍ ପାଣ୍ଡ୍ୟା ଏବଂ ମହେନ୍ଦ୍ର ସିଂହ ଧୋନିଙ୍କ ଦମଦାର ଅର୍ଦ୍ଧଶତକ ବଳରେ ବିଜୟୀ ହୋଇଛି ଭାରତ । ପ୍ରଥମେ ବ୍ୟାଟିଂ କରିଥିବା ଟିମ୍ ଇଣ୍ଡିଆ, ନିର୍ଦ୍ଧାରିତ ଓଭରରେ ୭ ୱିକେଟ ହରାଇ ହାସଲ କରିଥିବା ୨୮୧ ରନ୍ । ଯେଉଁଥରେ ଧୋନି ୭୯ ଏବଂ ପାଣ୍ଡ୍ୟା ୮୩ ରନ୍ କରିଥିଲେ । ପ୍ରଥମ ପର୍ଯ୍ୟାୟରେ ଭାରତୀୟ ଦଳର ଶୀଘ୍ର ୱିକେଟ୍ ପତନ ହେଇଥିଲେ ସୁଦ୍ଧା ଏହି ଯୋଡ଼ି ଦଳକୁ ଏକ ମଜବୁତ ସ୍ଥିତିକୁ ନେଇ ଆସିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ବର୍ଷା ବାଧାପ୍ରାପ୍ତ ଏହି ମ୍ୟାଚରେ ଅଷ୍ଟ୍ରେଲିଆ ଆଗରେ ବିଜୟ ଲକ୍ଷ୍ୟ ଥିଲା ୨୧ ଓଭରରେ ୧୬୪ ରନ୍ । ମାତ୍ର ଭାରତୀୟ ବୋଲିଂ ଆକ୍ରମଣ ଆଗରେ ଗୋଟିଏ ପରେ ଗୋଟିଏ ୱିକେଟ୍ ହରାଇଚାଲିଥିଲା ଅଷ୍ଟ୍ରେଲିଆ । ଆଉ ମାତ୍ର ୧୩୭ ରନ୍ କରିବାରେ ସକ୍ଷମ ହୋଇଥିଲା । ଏହି ବିଜୟ ସହ ଭାରତ ୫ଟିକିଆ ସିରିଜରେ ୧-୦ରେ ଆଗୁଆ ରହିଛି । ଏହି ସିରିଜର ଦ୍ୱିତୀୟ ମ୍ୟାଚ୍ ଆସନ୍ତା ୨୧ ତାରିଖରେ କୋଲକତାରେ ଖେଳାଯିବ । ମ୍ୟାଚରେ ଦମଦାର ୮୩ ରନ୍ କରିବା ସହ ୨ଟି ୱିକେଟ୍ ନେଇଥିବା ହାର୍ଦ୍ଦିକ ପାଣ୍ଡ୍ୟା ମ୍ୟାନ୍ ଅପ ଦି ମ୍ୟାଚ୍ ବିବେଚିତ ହୋଇଛନ୍ତି ।
ତେବେ ଏହି ମ୍ୟାଚରେ ଇତିହାସ ରଚିଛନ୍ତିି ମହେନ୍ଦ୍ର ସିଂ ଧୋନି । ଅଷ୍ଟ୍ରେଲିଆ ବିପକ୍ଷ ଏହି ମ୍ୟାଚ୍ରେ ୭୯ ରନ୍ କରିଛନ୍ତିି ଧୋନି । ଅର୍ନ୍ତଜାତୀୟ କ୍ରିକେଟରେ ଶହେ ତମ ଅର୍ଦ୍ଧଶତକ ହାସଲ କରିବାର ଗୌରବ ଅର୍ଜନ କରିଛନ୍ତି ଧୋନି । ସଚିନ, ଦ୍ରାବିଡ ଏବଂ ଗାଙ୍ଗୁଲିଙ୍କ ପରେ ଚତୁର୍ଥ ଭାରତୀୟ ଖେଳାଳି ଭାବରେ ଏହି ରେକର୍ଡ କରିଛନ୍ତି ଧୋନି ।