ନା ରହିବ ପ୍ରଦୂଷଣର ଝଞ୍ଝଟ,ନା ଡରାଇବ ବର୍ଦ୍ଧିତ ତେଲ ଦର ! ଏବେ ଘରକୁ ଆସିବ ବିଜୁଳୀ କାର୍ ।
କେନ୍ଦ୍ରୀୟ ପରିବହନ ମନ୍ତ୍ରୀ ନିତୀନ ଗଡକରିଙ୍କ କହିବାନୁସାର,ଦେଶରେ ଇଲେକ୍ଟ୍ରୋନିକ ବାହନର ଉତ୍ପାଦନ ବଢାଇବା ଏବଂ ଆଗାମୀ ୫ ବର୍ଷ ମଧ୍ୟରେ ସବୁ ବାହନ ମଧ୍ୟରେ ଏହି ନୂତନ ଧରଣ ବାହନର ୧୫ ପ୍ରତିଶତ ମିଶାଇବାକୁ ଯୋଜନା ପ୍ରସ୍ତୁତ କରାଯାଇଛି । ଗଡକରି କହିଛନ୍ତିି ଯେ,ଦେଶରେ ଇଲେକ୍ଟ୍ରୋନିକ ବାହନର ଚାହିଦା ବଢିବାରେ ଲାଗିଛି । ତେବେ ଆଗାମୀ ୫ ବର୍ଷ ମଧ୍ୟରେ ଏହି ବାହନକୁ ୧୫ ପ୍ରତିଶତ ବଢାଇବା ପାଇଁ କାର୍ଯ୍ୟ ଚାଲିଛି । ତେବେ ଦେଶରେ ଏହି ବାହନର ଅଧିକ ଡିମାଣ୍ଡ ରହିଥିବାରୁ ସ୍ୱତଃ ଏହାର ଦାମ୍ ମଧ୍ୟ କମ୍ ରହିବ । ତେବେ ସରକାରଙ୍କ ତରଫରୁ ସରକାରୀ ବିଭାଗକୁ ଏହି ଇଲେକ୍ଟ୍ରୋନିକ କାର୍ ଦେବାକୁ ମଧ୍ୟ ଯୋଜନା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନୀତି ଆୟୋଗର ଏକ ରିପୋର୍ଟ ଅନୁସାରେ ଭାରତ ଇଲେକ୍ଟ୍ରୋନିକ ଦୁଇଚାକିଆ ବାହନକୁ ବଢାବା ଦେବାପାଇଁ ତେଲ ଆୟତରେ ଖର୍ଚ୍ଚ ହେବାକୁ ଥିବା ୧.୨ ଲକ୍ଷ କୋଟି ବିଦେଶୀ ଟଙ୍କାକୁ ବଞ୍ଚାଇବ । ଦେଶରେ ୧୭ କୋଟି ଦୁଇଚାକିଆ ବାହନ ରହିଛି । ଯଦି ଏଥିରୁ ପ୍ରତିଦିନ ଅଧା ଲିଟର ପେଟ୍ରୋଲ ଖର୍ଚ୍ଚ ହୁଏ ତେବେ ମୋଟ ୩୪ ଅରବ ଲିଟର ପେଟ୍ରୋଲ ଖର୍ଚ୍ଚ ହୋଇପାରେ ।
ରିପୋର୍ଟ ମୁତାବକ ପେଟ୍ରୋଲ ଲିଟର ପିଛା ୭୦ ଟଙ୍କା ହିସାବରେ ୨.୪ ଲକ୍ଷ କୋଟି ଟଙ୍କା ଖର୍ଚ୍ଚ ହୋଇଥାଏ । ତେବେ ଯଦି ଅଶୋଧିତ ତେଲକୁ ଦେଖିବେ ଏବଂ ଅନ୍ୟ ଖର୍ଚ୍ଚକୁ ମିଶାଇଲେ ଏହା ୫୦ ପ୍ରତିଶତ ବସିଯାଏ ଯେଉଁଥିରେ ୧.୨ ଲକ୍ଷ କୋଟି ଟଙ୍କା ମୂଲ୍ୟର ତେଲର ସଂରକ୍ଷଣ କରିପାରିବେ । ତେବେ ଭବିଷ୍ୟତରେ ହେବାକୁ ଯାଉଥିବା ଏହି ବଡ ପରିବର୍ତ୍ତନରେ ଜନତା ପ୍ରଦୂଷଣରୁ ମୁକ୍ତି ପାଇବା ସହ ବର୍ଦ୍ଧିତ ତୈଳଦରରୁ ଆଶ୍ୱସ୍ତି ପାଇପାରିବେ ।