୧୯୮୪ ଶିଖ ବିରୋଧୀ ଦଙ୍ଗା : ୩୪ ବର୍ଷ ପରେ ୨ ଦୋଷୀଙ୍କୁ ମିଳିଲା ଦଣ୍ଡାଦେଶ
ଦୋଷୀ ୟଶପାଲ ସିଂହଙ୍କୁ ଫାଶୀ ଦଣ୍ଡ ଏବଂ ଆଉ ଜଣେ ଦୋଷୀ ନରେଶ ସହରାୱତଙ୍କୁ ଆଜୀବନ କାରାଦଣ୍ଡ
୧୯୮୪ରେ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ହତ୍ୟା ପରେ ତେଜିଥିଲା ଶିଖ ବିରୋଧୀ ଦଙ୍ଗା । ଏହି ମାମଲାରେ ୩୪ ବର୍ଷ ପରେ ଫଇସଲା ଆସିଯାଇଛି । ପଟିଆଲା ହାଉସ କୋର୍ଟ ମଙ୍ଗଳବାର ଦୋଷୀ ୟଶପାଲ ସିଂହଙ୍କୁ ଫାଶୀ ଦଣ୍ଡ ଏବଂ ଆଉ ଜଣେ ଦୋଷୀ ନରେଶ ସହରାୱତଙ୍କୁ ଆଜୀବନ କାରାଦଣ୍ଡାଦେଶ ଶୁଣାଇଛନ୍ତି । କୋର୍ଟ ୧୪ ନଭେମ୍ବର ଦିନ ଉଭୟଙ୍କୁ ହତ୍ୟା, ହତ୍ୟା କରିବାକୁ ଚେଷ୍ଟା, ଲୁଟ୍, ଅଗ୍ନିକାଣ୍ଡ ଘଟାଇବା ଓ ଅନ୍ୟ ଧାରାରେ ଦୋଷୀ ସାବ୍ୟସ୍ତ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ପ୍ରାୟ ୩୪ ବର୍ଷ ପୂର୍ବେ ଶିଖ ବିରୋଧୀ ଦଙ୍ଗା ଚାଲିଥିବାବେଳେ ଦକ୍ଷିଣ ଦିଲ୍ଲୀର ମହିପାଲପୁର ଗାଁରେ ଉଗ୍ରଭୀଡ ଦୁଇଜଣ ଶିଖ ଯୁବକ ୨୪ ବର୍ଷୀୟ ହରଦେବ ସିଂ ଓ ୨୬ ବର୍ଷୀୟ ଅବତାର ସିଂଙ୍କୁ ପିଟିପିଟି ମାରିଦେଇଥିଲେ । ଏହି ହତ୍ୟାକାଣ୍ଡରେ ୟଶପାଲ ଓ ନରେଶଙ୍କ ପ୍ରତ୍ୟକ୍ଷ ସଂପୃକ୍ତି ଥିବା ପ୍ରତ୍ୟକ୍ଷଦର୍ଶୀମାନେ ସାକ୍ଷୀ ଦେବା ପରେ ଗତ ୧୫ ତାରିଖରେ କୋର୍ଟ ଉଭୟଙ୍କୁ ଦୋଷୀ ସାବ୍ୟସ୍ତ କରିଥିଲେ । ତେବେ ଏହାର ଦଣ୍ଡାଦେଶ ଘୋଷଣା ବାକି ଥିଲା । ୨୦୧୫ରେ କେନ୍ଦ୍ର ସରକାର ୧୯୮୪ ଶିଖ ଦଙ୍ଗାର ତଦନ୍ତ ପାଇଁ ଏକ ସ୍ୱତନ୍ତ୍ର ତଦନ୍ତକାରୀ ଟିମ (ଏସଆଇଟି ) ଗଠନ କରିଥିଲେ ।