କୁନି ଝିଅର କମାଲ : ୧୮ ମାସରେ ଚିହ୍ନି ପାରୁଛି ଦେଶବିଦେଶର ମୁଦ୍ରା।
ଏକଥା ବିଶ୍ୱାସ ନହେଲେ ବି ସତ । ବୟସ ମାତ୍ର ୧୮ ମାସ । ହେଲେ ଏ କୁନି ଝିଅ ଆଦଭିକା ବାଲେ ଦେଖାଇଛି ତାର ଛୋଟ ବୁଦ୍ଧିରେ ବିରାଟର କମାଲ । ଚଟାପଟ ଦେଉଛି ସବୁ ପ୍ରଶ୍ନର ଉତର । ୨୬ଟି ଦେଶର ମୁଦ୍ରା ବେଶ୍ ଆରାମରେ ଚିହ୍ନି ଦେଉଛି ଏବଂ ବିଶ୍ୱର ସପ୍ତାଶ୍ଚର୍ୟ୍ୟଙ୍କ ନାଁ ମଧ୍ୟ କହିଦେଉଛି । ପଶୁପକ୍ଷୀମାନଙ୍କ ନାଁକୁ ମଧ୍ୟ ଇଂରାଜୀରୁ ମରାଠୀକୁ ଅନୁବାଦ କରିଦେଇପାରୁଛି ଆରାମରେ ।
Kanak News is now on WhatsApp
Join and get latest news updates delivered to you via WhatsApp
ମାଁ ଅସାବରୀ ବାଲେ ଆଶ୍ଚର୍ୟ୍ୟ ହୋଇଯାଇଥିଲେ ଯେତେବେଳେ ଗତ ମାସରେ ଝିଅ ଠିକରେ କଥା କହିବା ଆରମ୍ଭ କଲା । ଆଦଭିକାକୁ ୬ ମାସ ଯେବେ ହେଲା ମାଁ କହୁଥିବା ସବୁ କଥାକୁ ଠିକରେ ନକଲ କରି କହିଦେଉଥିଲା । ଆଦଭିକା ଯେତେବେଳ ଗୁରୁଣ୍ଡିବା ଆରମ୍ଭ କଲା ,ମାଁ ଝିଅକୁ ବିଭିନ୍ନ ବର୍ଣ୍ଣମାଳା, ବିଭିନ୍ନ ଫଳ ଓ ପଶୁପକ୍ଷୀଙ୍କ ଛବି ଚିହ୍ନାଇବା ଆରମ୍ଭ କଲେ । ଆଦଭିକା ଯେତେବେଳ ୮ ମାସର ହୋଇଗଲା ସେତେବେଳେ ତାକୁ ତାର ମାଁ ବିଭିନ୍ନ ଦେଶ ଓ ତାର ମୁଦ୍ରା ଏବଂ ବିଶ୍ୱର ଆଶ୍ଚର୍ୟ୍ୟକର ଜିନିଷ ବିଷୟରେ କହିଲେ । ଆଦଭିକା ମଧ୍ୟ ସହଜରେ ମାଁଙ୍କଠାରୁ ସବୁ ଶିଖିଗଲା । ମାଁଙ୍କୁ ଏହା ଯେତେ ଚକିତ କରୁଥିଲା ,ଝିଅର ଏଭଳି ବୋଧଶକ୍ତି ଦେଖି ଖୁସି ବି ହେଉଥିଲେ ।
ଆଦଭିକାର ବାପା କୁହନ୍ତି ତାକୁ ୧୦ ବର୍ଷ ବେଳକୁ ଶରୀରର ସବୁ ଅଙ୍ଗକୁ ଚିହ୍ନି ସାରିଥିଲା । ଟାଇମ୍ସ ଅଫ୍ ଇଣ୍ଡିଆ ଆଦଭିକା ସହ ୨ ଘଂଟା ବିତାଇଥିଲେ । ତାର ବାପାମାଁ ପ୍ରସ୍ତୁତ କରିଥିବା ୧୦୦ଟି ପ୍ରଶ୍ନ ପଚାରିଥିଲେ ଏବଂ ଆଦଭିକା ଖୁବ୍ ସହଜରେ ସବୁ ଠିକ୍ ଠିକ୍ ଉତର ଦେଇଥିଲା । ଆଦଭିକା ବୟସର ପିଲାମାନେ ଖେଳକୁଦରେ ମାତିଥିବା ବେଳେ ,ଆଦଭିକା କିନ୍ତୁ ଖାଲି ପାଠ ପଢାରେ ହିଁ ସମୟ ବିତାଉଛି । ଏବେ କେବଳ ବହି ହିଁ ତାର ସାଥୀ ସାଜିଛି । ଏହି ଅଦ୍ଭୂତ ଝିଅ ଆଦଭିକାକୁ ନେଇ ଏବେ ଚାରିଆଡେ ଚର୍ଚ୍ଚା।