ଗଞ୍ଜାମ ଜିଲ୍ଲା ପୁଡାମାରୀ ଅଂଚଳରୁ ୧୮ ଫୁଟ ଲମ୍ବର ଏକ ଅହିରାଜ ସାପ ଉଦ୍ଧାର
କନକ ବ୍ୟୁରୋ : ଧରାପଡିଲା ୧୮ ଫୁଟର ଅହିରାଜ । ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ୍ ପୁଡାମାରୀ ଅଂଚଳରୁ ଆଜି ୧୮ ଫୁଟ ଲମ୍ବର ଏକ ଅହିରାଜ ସାପ ଉଦ୍ଧାର କରାଯାଇଛି । ଗତ ତିନି ଚାରି ଦିନ ହେଲା ସାପଟି ଗାଁରେ ବୁଲୁଥିବା ଲୋକେ କହିଛନ୍ତି । ତେବେ ଆଜି ସାପଟି ପୁଡାମାରୀ ଫରେଷ୍ଟ ଗେଟ୍ ପାଖରେ ଥିବା ପାଣ ପ୍ରଧାନଙ୍କ ଘରେ ପଶିଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସାପଟିକୁ ଦେଖି ସମସ୍ତେ ଭୟଭୀତ ହୋଇଯାଇଥିଲେ । ପରେ ଖବରପାଇ ପିପୁଲ୍ସ ଫର୍ ଆନିମଲ୍ସ ସଂସ୍ଥାର ସ୍ୱେଚ୍ଛାସେବୀ ସାପଟିକୁ କୌଶଳରେ କାବୁ କରିଥିଲେ । ପରେ ସାପଟିକୁ ଗାଇଡା ସଂରକ୍ଷିତ ଜଙ୍ଗଲରେ ଛଡାଯାଇଥିଲା । ଉଦ୍ଧାର ସାପଟିର ବୟସ ପ୍ରାୟ ୬ ବର୍ଷ ହେବ ବୋଲି ଅନୁମାନ କରାଯାଉଛି ।