ଏକ ବର୍ଷ ମଧ୍ୟରେ ମୁଖ୍ୟସ୍ରୋତକୁ ଫେରିଲେ ୧୭ ଆତଙ୍କୀ ! ସୁରକ୍ଷା ଏଜେନ୍ସି ଗୁଡ଼ିକ ପାଇଁ ବଡ଼ ସଫଳତା
କନକ ବ୍ୟୁରୋ : ପ୍ରାୟ ସମୟରେ ଜାମ୍ମୁ-କାଶ୍ମୀରର ଯୁବକମାନେ ଚାପରେ ହେଉ କି ସ୍ୱଇଚ୍ଛାରେ ହେଉ ଆତଙ୍କୀ ସଂଗଠରେ ଯୋଗ ଦେଉଛନ୍ତି । ତେବେ ସେଥି ମଧ୍ୟରୁ କିଛି ଦୁର୍ଦ୍ଦଶ ଆତଙ୍କବାଦୀ ପାଲଟି ଯାଉଛନ୍ତି ତ ଆଉ କିଛି ଆତଙ୍କ ନର୍କରୁ ଫେରି ଆସୁଛନ୍ତି । ନିକଟରେ ଏପରି କିଛି ଘଟଣା ଦେଖିବା ପାଇଁ ମିଳିଛି । ଆତଙ୍କୀ ସଂଗଠନକୁ ବାଏ ବାଏ କରିଛନ୍ତି କିଛି ଆତଙ୍କବାଦୀ । ଗୋଟିଏ ବର୍ଷ ଭିତରେ ମୁଖ୍ୟସ୍ରୋତକୁ ଫେରିଛନ୍ତି ୧୭ ଆତଙ୍କୀ । ତେବେ ଏହା ସୁରକ୍ଷା ଏଜେନ୍ସି ଗୁଡ଼ିକ ପାଇଁ ବଡ଼ ସଫଳତା ଆଣି ଦେଇଛି । କାଶ୍ମୀର ଘାଟିରେ ଗତ ଏକ ବର୍ଷ ଭିତରେ ୧୭ ଜଣ ଯୁବକ, ଆତଙ୍କବାଦ ପରି ଅଫେରା ରାସ୍ତାରୁ ଫେରି ଆସିଛନ୍ତି । ଏବଂ ମୁଖ୍ୟସ୍ରୋତରେ ସାମିଲ ହୋଇଛନ୍ତି । ସୈନ୍ୟ ସୂତ୍ର ଅନୁସାରେ ଯେଉଁ ଆତଙ୍କବାଦୀମାନେ ଆତ୍ମସମର୍ପଣ କରି ମୁଖ୍ୟସ୍ରୋତରେ ସାମିଲ ହୁଅନ୍ତି, ତାଙ୍କୁ ସୁରକ୍ଷା ପ୍ରତି ବିଶେଷ ଧ୍ୟାନ ଦିଆଯାଏ । କାରଣ ତାଙ୍କର ଜୀବନ ପ୍ରତି ଥାଏ ଘୋର ବିପଦ ।
Kanak News is now on WhatsApp
Join and get latest news updates delivered to you via WhatsApp
ତେବେ ଖବର ଅନୁସାରେ ବିଗତ ଏକ ବର୍ଷ ମଧ୍ୟରେ ୧୭ ଜଣ ଯୁକ,ବ ଆତଙ୍କବାଦରୁ ନିଜକୁ ଫେରାଇ ଆଣିବାରେ ସଫଳ ହୋଇଛନ୍ତି । ବିଗତ ୬/୭ ମାସ ମଧ୍ୟରେ ପ୍ରାୟ ୬୦ରୁ ୭୦ ଯୁବ ଯୁବକ ଆତଙ୍କବାଦୀ ସଂଗଠନରେ ସାମିଲ ହୋଇଛନ୍ତି । ସୈନ୍ୟ ସୂତ୍ରରୁ ପ୍ରକାଶ, ସୁରକ୍ଷା ଏଜେନ୍ସି ଗୁଡ଼ିକ ଏପରି ଯୁବକମାନଙ୍କୁ ଆତଙ୍କବାଦ ପରି ନର୍କରୁ ମୁଖ୍ୟ ସ୍ରାତକୁ ଫେରାଇବା ପାଇଁ ସବୁବେଳେ ଚେଷ୍ଟା କରନ୍ତି । ଯାହାଦ୍ୱାରା ସେମାନେ ସାଧାରଣ ଜୀବନଯାପନ କରିପାରିବେ ।
ସୂଚନଯୋଗ୍ୟ ଗତକାଲି ଖବର ଆସିଥିଲା ୨୦ ବର୍ଷିଅ ଯୁବକ ମଜିଦ୍ ଅର୍ସିଦ ଖାନ୍ ଆତଙ୍କବାଦୀ ସଂଗଠନ ଲସ୍କର-ଏ-ତୋଇବାରେ ଯୋଗ ଦେବା ପରେ ପୁଲିସ ପାଖରେ ଆତ୍ମସମର୍ପଣ କରିଛନ୍ତି । ଏକ ଜାତୀୟ ଗଣମାଧ୍ୟମ ଚ୍ୟାନେଲରେ ଅର୍ସିଦ ନିଜ ମାଆଙ୍କୁ ବିକଳ ହୋଇ କାନ୍ଦୁଥିବା ଅବସ୍ଥାରେ ଦେଖିବା ପରେ ସେ ମନ ପରିବର୍ତ୍ତନ କରି ଆତ୍ମସମର୍ପଣ କରିଥିଲେ । ଅନନ୍ତନାଗର ଫୁଟବଲ୍ ଖେଳାଳୀ ଅର୍ସିଦ ଲସ୍କର-ଇ-ତୋଇବାରେ ଯୋଗ ଦେଇଥିବା ନେଇ ନିଜ ଫେସବୁକ୍ ପେଜରେ ଉଲ୍ଲେଖ କରିଥିଲେ । ତେବେ ଅର୍ସିଦ ଲସ୍କର-ଏ-ତୋଇବାରେ ଯୋଗ ଦେବା ପରେ ତାଙ୍କ ମା’ ଭାଙ୍ଗି ପଡ଼ିଥିଲେ । ପରବର୍ତ୍ତୀ ମୁହୂର୍ତ୍ତରେ ଅର୍ସିଦଙ୍କ ମାଆଙ୍କର ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା । ଯାହାଦେଖି ଅର୍ସିଦଙ୍କ ହୃଦୟ ତରଳି ଯାଇଥିଲା ଓ ସେ ଆତ୍ମସମର୍ପଣ କରିଥିଲେ ।