ସ୍କୁଲକୁ ବଦନାମ କରି ବନ୍ଦ କରିବାକୁ ଭୟଙ୍କର ଷଡଯନ୍ତ୍ର ରଚିଲା ଛାତ୍ର । ଛୁରୀ ଭୁସି ସାଥୀକୁ କଲା ହତ୍ୟା । ସାମ୍ନାକୁ ଆସିଲା ଚାଞ୍ଚଲ୍ୟକର ତଥ୍ୟ ।
ଗୁଜୁରାଟର ଭଦୋଦରା ସ୍କୁଲ ଶୌଚାଳୟରେ ଜଣେ ନବମ ଶ୍ରେଣୀ ଛାତ୍ର ଦେବ ତାଡଭୀଙ୍କ ସନ୍ଦେହ ଜନକ ମୃତ୍ୟୁ ଉପରୁ ଉଠିଲା ପରଦା । ସ୍କୁଲକୁ ବଦନାମ କରିବା ପାଇଁ ସେହି ସ୍କୁଲର ଜଣେ ୧୬ ବର୍ଷର ବାଳକ ରଚିଥିଲେ ଏଭଳି ଜଘନ୍ୟ ହତ୍ୟାକାଣ୍ଡର ବ୍ଲୁପ୍ରିଣ୍ଟ । ଅନ୍ୟଜଣ ସାଥୀକୁ ଛୁରୀ ଭୁସି ହତ୍ୟା କରି ସ୍କୁଲକୁ ବଦନାମ କରି ବନ୍ଦ କରିବା ପାଇଁ ଘଟାଇଥିଲେ ଏଭଳି କାଣ୍ଡ ।
Kanak News is now on WhatsApp
Join and get latest news updates delivered to you via WhatsApp
ଗତ ଶୁକ୍ରବାର ଦିନ ସକାଳେ ଭଦୋଦରା ସ୍କୁଲରୁ ନବମ ଶ୍ରେଣୀ ଛାତ୍ର ଦେବ ତାଡଭୀଙ୍କ ମୃତ ଦେହ ସ୍କୁଲ ଶୌଚାଳୟରୁ ମିଳିବାପରେ ସ୍ଥାନୀୟ ଅଞ୍ଚଳରେ ଏକ ପ୍ରକାର ଭୟ ସୃଷ୍ଟି ହେଇଥିଲା । କାରଣ ଏହି ନବମ ଶ୍ରେଣୀ ଛାତ୍ର ଜଣକ ପାକସ୍ଥଳୀ ନିକଟରେ ଏକ ଧାରୁଆ ଛୁରୀରେ ଆଘାତ କରି ହତ୍ୟା କରାଯାଇଥିଲା । ଯାହା ଫଳରେ ଏହା ଏକ ଯୋଜନାବଦ୍ଧ ହତ୍ୟା କାଣ୍ଡ ବୋଲି ସ୍ଥାନୀୟ ପୋଲିସ ସନ୍ଦେହ କରିଥିଲେ । ତେବେ ମୃତ ,ଦେହର ପୋଷ୍ଟମର୍ଟମ ରିପୋର୍ଟ ପୋଲିସକୁ ହତ୍ୟାକାରୀ ପାଖରେ ପହଂଚିବା ପାଇଁ ଏକ ନୂଆ ସୁରାଖ ଯୋଗାଇଥିଲା ।
ପୋଲିସ କହିବା ମୁତାବକ ସେହି ସ୍କୁଲର ଜଣେ ୧୬ ବର୍ଷର ବାଳକ ଏଭଳି ଲୋମଟାଙ୍କୁରା ହତ୍ୟାକାଣ୍ଡର ଯୋଜନା ରିଚିଥିଲା । ଯାହାକି ପୋଲିସ ଆଗରେ ପୂରା ହତ୍ୟାକାଣ୍ଡର କହାଣୀକୁ ବୟାନ କରିଛନ୍ତି ଅନ୍ୟ ଦୁଇଜଣ ପ୍ରତ୍ୟକ୍ଷଦର୍ଶୀ । ତେବେ ସାକ୍ଷୀଙ୍କ କହିବା ମୁତାବକ ଅଭିଯୁକ୍ତ ୧୬ ବର୍ଷର ବାଳକ ସ୍କୁଲ ହୋମୱାର୍କ କରିନଥିବାରୁ ତାଙ୍କୁ ସମସ୍ତଙ୍କ ସମ୍ନାରେ ଶିକ୍ଷକ ଚାପୁଡା ମାରିଥିଲେ । ଯାହାକୁ ନେଇ ଅଭିଯୁକ୍ତ ବହୁତ ଅପମାନ ଅନୁଭବ କରିଥିଲେ । ଏବଂ ଏହାପରେ ନିଜ ଅପମାନର ପ୍ରତିଶୋଧ ନେବା ପାଇଁ ସ୍କୁଲକୁ ବନ୍ଦ କରିବା ପାଇଁ ରଚିଥିଲେ ହତ୍ୟାକାଣ୍ଡର ଯୋଜନା । ଯେଉଁଥି ପାଇଁ ବିନା କାରଣରୁ ଦେବ ତାଡଭୀଙ୍କୁ ନିଜ ଜୀବନ ଦେବାକୁ ପଡିଲା । ପୋଲିସ କହିବା ମୁତାବକ ଅଭିଯୁକ୍ତ ବାଳକକୁ ଧରିବା ପାଇଁ ସ୍ଥାନୀୟ ପୋଲିସ ସହିତ ଅପରେସନ ଆରମ୍ଭ କରିଛି ପୋଲିସ ।