ଘୋର ଲଜ୍ଜା ! ନାବାଳିକା ସହ ଗଣଦୁଷ୍କର୍ମ ବେଳେ ଅଭିଯୁକ୍ତମାନେ ଫେସବୁକ ଲାଇଭରେ ସମ୍ପୂର୍ଣ୍ଣ ଦୃଶ୍ୟକୁ କଲେ ସିଧା ପ୍ରସାରଣ
ଆମେରିକାରେ ଏକ ଅମାନବୀୟ ଘଟଣା ଏବେ ସାମ୍ନାକୁ ଆସିଛି । ଜଣେ ୧୫ ବର୍ଷୀୟ ନାବାଳିକା ସହ ଗଣଦୁଷ୍କର୍ମ ସମୟରେ ଅଭିଯୁକ୍ତ ମାନେ ଫେସବୁକ ଲାଇଭ ଜରିଆରେ ସିଧା ପ୍ରସାରଣ କରିଥିଲେ । ଘଟଣା ସାମ୍ନାକୁ ଆସିବା ପରେ ପୀଡିତାଙ୍କ ପରିବାର ଲୋକଙ୍କ ସୁରକ୍ଷା ଦୃଷ୍ଟିରୁ ସେମାନଙ୍କୁ ସୁରକ୍ଷିତ ସ୍ଥାନକୁ ପଠାଇ ଦିଆଯାଇଛି । ସ୍ଥାନୀୟ ମିଡିଆ ଜରିଆରେ ଏପରି ସୂଚନା ମିଳିଛି । ଏମିତି ଏକ ଖବର ପ୍ରକାଶ ପାଇଛି ରାଜସ୍ଥାନ ପତ୍ରିକାରେ ।
Kanak News is now on WhatsApp
Join and get latest news updates delivered to you via WhatsApp
ସମାଚାର ୱେବସାଇଟ ‘ଚିକାଗୋ ଡଟ ସନଟାଇମ୍ସ ଡଟ କମ’ରେ ପ୍ରସାରିତ ହୋଇଥିବା ଖବର ଅନୁସାରେ ଏପରି ଘୃଣ୍ୟ ଘଟଣାର ଭିଡିଓ ଭାଇରାଲ ହେବା ପରେ ପୀଡିତା ଓ ପୀଡିତାଙ୍କ ପରିବାର ଲୋକଙ୍କୁ ଅଭିଯୁକ୍ତମାନେ ଧମକ ଦେବା ଆରମ୍ଭ କରି ଦେଇଥିଲେ । ଖବର ଅନୁସାରେ ୫ ରୁ ୬ ଜଣ ଯୁବକ ପୀଡିତାଙ୍କ ସହ ଗଣବଳତ୍କାର କରିଥିଲେ ଓ ସମ୍ପୂର୍ଣ୍ଣ ଦୃଶ୍ୟକୁ ଫେସବୁକରେ ଲାଇଭ ପ୍ରସାରଣ କରିଥିଲେ ।
ସବୁଠାରୁ ଭୟାବହ କଥା ହେଲା ୪୦ ଜଣ ଲୋକ ଏହି ଗଣଦୁଷ୍କର୍ମ ଭିଡିଓକୁ ଲାଇଭ ଦେଖିଥିଲେ ମଧ୍ୟ କେହି ପୋଲିସରେ ଅଭିଯୋଗ କରିନଥିଲେ । ପୀଡିତାଙ୍କ ମା’ ଯେତେବେଳେ ଚିକାଗୋ ପୋଲିସ ନିଜ ଝିଅର ନିଖୋଜ ହୋଇଥିବା ଅଭିଯୋଗ କରିଥିିଲେ ତା’ପରେ ଏହି ଘଟଣା ପୋଲିସ ସାମ୍ନାକୁ ଆସିଥିଲା । ଏହାସହ ପୀଡିତାଙ୍କ ମା’ଫେସବୁକ ଲାଇଭର ସ୍କ୍ରିନସଟ ମଧ୍ୟ ପୋଲିସକୁ ଦେଖାଇଥିଲେ । ସମ୍ପୂର୍ଣ୍ଣ ଘଟଣା ଜାଣିବା ପରେ ପୋଲିସ ଏକ ମାମଲା ରୁଜୁ କରିଥିଲେ ଏବଂ ପୀଡିିତାକୁ ଖୋଜି ପାଇଥିଲେ । ପରେ ପୀଡିିତାଙ୍କୁ ଖୋଜି ଘରେ ପହଞ୍ଚାଇ ଦେଇଥିଲେ ପୋଲିସ।