ସ୍ୱାଧୀନତା ଦିବସରେ ୧୪ଜଣ କଏଦୀଙ୍କୁ ମୁକ୍ତ କରାଇବେ ଏହି ୧୪ ବର୍ଷୀୟ ବାଳକ । ଜାଣନ୍ତୁ କିପରି ?
ଚଳିତ ବର୍ଷର ସ୍ୱାଧୀନତା ଦିବସରେ ୧୪ ଜଣ କଏଦୀ ଜେଲ୍ ଦଣ୍ଡରୁ ମୁକ୍ତ ହେବାକୁ ଯାଉଛନ୍ତି । ଏହି ୧୪ଜଣ କଏଦୀଙ୍କ ପାଇଁ ଭଗବାନ ସାଜିଛନ୍ତି ଜଣେ ୧୪ବର୍ଷିୟ ନାବାଳକ । ସ୍କଲାରସିପରୁ ମିଳିଥିବା ଟଙ୍କାକୁ ୧୪ଜଣ କଏଦୀଙ୍କ ପାଇଁ ଜରିମାନା ଆକାରରେ ଦେଇ ଭୋପାଲର ଆୟୁଷ କିଶୋର ଏହି କଏଦୀଙ୍କ ଦଣ୍ଡ କମ କରି ପାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୨୦୧୬ରେ ଆୟୁଷଙ୍କୁ ତତ୍କାଳୀନ ରାଷ୍ଟ୍ରପତି ପ୍ରଣବ ମୁଖାର୍ଜୀ ଚାଇଲଡ଼୍ ଆୱାର୍ଡ଼ ଫର୍ ଏକସେପ୍ସନାଲ ଆଚିଭମେଣ୍ଟ ଇନ୍ ଏକାଡ଼େମିକ୍ସ ଆୱାର୍ଡ଼ ଦେଇ ସମ୍ମାନିତ କରିଥିଲେ । ଏଥିରୁ ମିଳିଥିବା ୨୭,୮୫୦ଟଙ୍କା ସେ ୧୪ଜଣ କଏଦୀଙ୍କ ପାଇଁ ଜରିମାନା ଆକାରରେ ଭରିବା ସହ ସେମାନଙ୍କୁ ମୁକ୍ତ କରିବେ ବୋଲି ଜଣାପଡ଼ିଛି । ୧୪ଜଣଙ୍କ ମଧ୍ୟରୁ ୧୨ଜଣ ଇନ୍ଦୋର ଏବଂ ୨ଜଣ ଭୋପାଲ ଜେଲରେ ବନ୍ଦୀ ଥିବା ଜଣା ପଡ଼ିଛି । ଏହି ୧୪ଜଣ କଏଦୀ ହତ୍ୟା ଅଭିଯୋଗରେ ଜେଲ୍ ଦଣ୍ଡ ଭୋଗୁଥିବା ସୂଚନା ମିଳିଛି । ଆୟୁଷଙ୍କ ଏହି କାମ ଏବେ ଚର୍ଚ୍ଚାର ବିଷୟ ପାଲଟିଛି ।