୧୨ ଦିନର ଶିଶୁକୁ ଝାମ୍ପିନେଲା ମାଙ୍କଡ଼ ! ପଡ଼ିଶା ଘର ଛାତରୁ ମିଳିଲା ମୃତଦେହ
ଆଗ୍ରାରେ ଜଣେ ମାଆ ତାଙ୍କ କଅଁଳା ଶିଶୁକୁ ସ୍ତନ୍ୟପାନ କରାଉଥିବା ବେଳେ ଏକ ମାଙ୍କଡ଼ ଝାମ୍ପି ନେଇ ଶିଶୁଟିକୁ ମାରି ଦେଇଥିବା ପରି ଦୁଃଖଦ ଘଟଣା ଘଟିଯାଇଛି । ଏହି ଘଟଣାଟି ଆଗ୍ରାସ୍ଥିତ ରୁଣକେତ ଅଞ୍ଚଳର କଚରା ଥୋକ କଲୋନିରେ ଦେଖିବାକୁ ମିିଳିଛି । ମୃତକ ଜଣକ ୧୨ ଦିନ ହେଲା ଜନ୍ମଲାଭ କରିଥିବା ଶିଶୁପୁତ୍ର ଆରୁଶ ବୋଲି ଜାଣିବାକୁ ମିଳିଛି । ସେହି ସମାନ ମାଙ୍କଡ଼ ପରବର୍ତ୍ତୀ ମୁହୁର୍ତ୍ତରେ ଜଣେ ୧୪ ବର୍ଷୀୟା ନାବାଳିକାକୁ ଆକ୍ରମଣ କରିବାରୁ ନାବାଳିକା ଜଣକ ଗୁରୁତର ଆହତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନାରୁ ଜାଣିବାକୁ ମିଳିଛି ଯେ ମୃତକ ଆରୁଶଙ୍କ ମାଆ ଶିଶୁଟିକୁ ସ୍ତନ୍ୟପାନ କରାଉଥିବା ବେଳେ ମାଙ୍କଡ଼ଟି ଘରର ଦୁଆର କବାଟ ଖୋଲା ଥିବାରୁ ଘର ଭିତରକୁ ପଶିଆସି ଶିଶୁଟିକୁ ଝାମ୍ପି ନେଇ ଯାଇଥିଲା । ମାଙ୍କଡ଼ଟି ଆରୁଶର ବେକକୁ ଧରି ନେଇ କେଉଁ ଆଡ଼େ ପଳାଇ ଯାଇଥିଲା ।