ଉଦ୍ଧାର ହେଲେ ୧୨ ନାଗରାଜ ! ବନ ବିଭାଗ ଓ ସ୍ନେକ ହେଲ୍ପ ଲାଇନ ସ୍କାନରରେ ଆସିବା ପୂର୍ବରୁ ଫେରାର ହେଲେ ଚୋରାଚାଲାଣକାରୀ
କନକ ବ୍ୟୁରୋ : ଚୋରା ଚାଲାଣ ହେଉଥିବା ନାଗ ସାପ ଉଦ୍ଧାର । ବାଲିପାଟଣା ବ୍ଲକ ବସନ୍ତମାଳ ଗାଁ ହାଟରୁ ୧୨ଟି ନାଗ ସାପ ଉଦ୍ଧାର କରାଯାଇଛି । ବିଶ୍ୱସ୍ତ ସୁତ୍ରରୁ ଖବର ପାଇ ବନ ବିଭାଗ ଓ ସ୍ନେକ ହେଲ୍ପ ଲାଇନ ଚଢାଉ କରି ଚାଲାଣ ପାଇଁ ରଖାଯାଇଥିବା ଏହି ନାଗ ସାପକୁ ଉଦ୍ଧାର କରିଛନ୍ତି । ତେବେ ଉଦ୍ଧାର ସମୟରେ ସାପ ପାଖରେ କୌଣସି ଲୋକ ନଥିଲେ । ଯାହା ସାପ ଚୋରା ଚାଲାଣର ସନ୍ଦେହକୁ ଆହୁରି ଘନିଭୂତ କରୁଛି । ତେବେ ଜନଗହଳିପୂର୍ଣ୍ଣ ହାଟ ଭିତରକୁ ୧୨ ଟି ସାପ କିପରି ଆସିଲା ଓ ସାପ ଗୁଡିକୁ କେଉଁଆଡେ ଚାଲାଣ କରାଯାଉଥିଲା ସେ ନେଇ ତଦନ୍ତ ଆରମ୍ଭ କରିଛି ବନ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ତେବେ ଅନେକ ଦିନ ଧରି ଏଠାରେ ସାପ ଚୋରାଚାଲାଣ ର୍ୟାକେଟ କାମ କରୁଥିବା ସନ୍ଦେହ କରୁଛି ତଦନ୍ତକାରୀ ଦଳ । ତଦନ୍ତ ଶେଷ ହେବା ପରେ ପ୍ରକୃତ ଘଟଣା ସାମ୍ନାକୁ ଆସିବ ।