ଦେଶର ଉନ୍ନତମାନର ଶିକ୍ଷାସଂସ୍ଥାରେ ସ୍ଥାନ ପାଇଲା ଜିଓ !
କନକ ବ୍ୟୁରୋ : କେନ୍ଦ୍ର ମାନବ ସମ୍ବଳ ବିକାଶ ବିଭାଗ ଦେଶରେ ଥିବା ବିଭିନ୍ନ ଶିକ୍ଷାସଂସ୍ଥା ଗୁଡିକରୁ ଉନ୍ନତମାନର ଭାବରେ ମାତ୍ର ୬ଟି ର ନାମ ଘୋଷଣା କରିଛି । ଏହି ମଧ୍ୟରେ ତିନୋଟି ସରକାରୀ ଓ ତିନୋଟି ବେସରକାରୀ ସଂସ୍ଥା ରହିଛି । ବେସରକାରୀ ସଂସ୍ଥା ଗୁଡିକ ମଧ୍ୟରେ ଏପରି ଏକ ନାମ ରହିଛି ଯାହାର ନାମ ଶୁଣିଲେ ସମସ୍ତେ ଆଶ୍ଚର୍ଯ୍ୟ ହେବେ । ତେବେ ସେହି ଶିକ୍ଷାସଂସ୍ଥାନର ନାମ ଏତେଟା ପ୍ରଚଳିତ ନଥିବା ସତ୍ତେ୍ୱ ମଧ୍ୟ ତାହାକୁ ଉନ୍ନତମାନର ଶିକ୍ଷାଅନୁଷ୍ଠାନରେ ସାମିଲ କରାଯାଇଛି । ଏହି ସଂସ୍ଥାର ନାମ “ଜିଓ ଇନ୍ଷ୍ଟିଚ୍ୟୁଟ୍” । ସବୁଠାରୁ କୈାତୁହଳ କଥା ହେଲା ଯେ ଏହି ଅନୁଷ୍ଠାନର ନାମ ଏତେଟା ପ୍ରସିଦ୍ଧ ଲାଭ କରିନାହିଁ । ଏହାସହ ସୋସିଆଲ ମିଡିଆରେ ଏହାର ନାମ ମଧ୍ୟ କେଉଁଠାରେ ଦେଖିବାକୁ ମିଳିନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏପରି ଏକ ସଂସ୍ଥାକୁ ଉନ୍ନତମାନର ଶିକ୍ଷା ଅନୁଷ୍ଠାନ ମଧ୍ୟରେ କାହିଁକି ସରକାର ରଖିଲେ ତାହାକୁ ନେଇ ଏବେ ଅନେକ ପ୍ରଶ୍ନବାଚୀ ସୃଷ୍ଟି ହେଉଛି । ରିପୋର୍ଟ ଅନୁସାରେ ଏହି ସଂସ୍ଥାଟି ରିଲାଏନ୍ସ କମ୍ପାନୀ ଅଧୀନରେରେ ରହିଛି । ତେବେ ବର୍ତ୍ତମାନ ସୁଦ୍ଧା ଏହା କାର୍ଯ୍ୟ କରିନାହିଁ । ସରକାରୀ ଅଫିସରେ ମଧ୍ୟ ଏହାର କୈାଣସି ଫାଇଲ ନଥିବା ଏକ ବିଶେଷ ସୂତ୍ରରୁ ଜଣାପଡିଛି । କିନ୍ତୁ କେନ୍ଦ୍ର ମାନବସମ୍ବଳ ବିକାଶ ମନ୍ତ୍ରୀ ପ୍ରକାଶ ଜାଭେଦ କର ଏହାର ନାମ ଘୋଷଣା କରିବା ବେଳେ ସଙ୍କୋଚ ପ୍ରକାଶ ନ କରିବା ବି ଆଶ୍ଚର୍ଯ୍ୟ ଲାଗିଛି । ଏହି ଶିକ୍ଷାନୁଷ୍ଠାନରେ କାର୍ଯ୍ୟ ଆରମ୍ଭ ହେବାକୁ ଆହୁରି ତିନି ବର୍ଷ ସମୟ ଲାଗିବ । ତେବେ, ଏଠାରେ ପାଠପଢା ଆରମ୍ଭ ହେଲେ ଅନେକ ଛାତ୍ରଛାତ୍ରୀ ଲାଭ ମାନେ ହେବେ । ଏହା ଦେଶର ଏକ ଉନ୍ନତମାନର ଶିକ୍ଷାନୁଷ୍ଠାନ ହୋଇପାରିବ ବୋଲି ଆମର ବିଶ୍ୱାସ ରହିଛି ବୋଲି ୟୁଜିସି କହିଛି । କେବଳ ଏତିକି ନୁହେଁ ଏହାକୁ “ଗ୍ରୀନଫିଲଡ” କାଟାଗୋରୀରେ ସାମିଲ କରାଯାଇଛି । ବର୍ତ୍ତମାନ ସମୟରେ ଏହି ଶିକ୍ଷାନୁଷ୍ଠାନ ବିଷୟରେ କୈାଣସି ସୂଚନା ଇଣ୍ଟରନେଟ୍ ରେ ମଧ୍ୟ ଉପଲବ୍ଧ ହୋଇ ନାହିଁ ।
ଏହି ଜିଓ ସଂସ୍ଥାକୁ “ଗ୍ରୀନଫିଲଡ” କାଟାଗୋରୀ ବାବଦରେ ୟୁଜିସି ୁକ୍ଷରୁ କୁହାଯାଇଛି ଯେ , ଏହି କାଟାଗୋରିରେ ଅନ୍ତର୍ଭୁକ୍ତ କୈାଣସି ଅନୁଷ୍ଠାନର ଇତିହାସ ଏତେଟା ପ୍ରସିଦ୍ଧ ହୋଇ ନଥାଏ । ତେବେ ଏହା ଆରମ୍ଭ ହେଲେ ଦେଶ ଶିକ୍ଷା କ୍ଷେତ୍ରର ପ୍ରସିଦ୍ଧି ଲାଭ ହେବ । ସବୁଠାରୁ ବଡ କଥା ହେଲା ଏହି ଅନୁଷ୍ଠାନ ଟି ଯେଉଁ କାଟାଗୋରୀ ପାଇଛି ସେଥିଲାଗି ତାହା ପାଖରେ ଆବଶ୍ୟକୀୟ ବ୍ୟବସ୍ଥା ଉପଲବ୍ଧ ରହିଛି । ତେଣୁ ଏଥିରେ କୈାଣସି ଅସୁବିଧା ନାହିଁ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି । ଏହି ଅନୁଷ୍ଠାନରେ ପାଠ୍ୟକ୍ରମ ଆରମ୍ଭ ହେଲେ ଦେଶର ଅନେକ ବିକାଶ ହୋଇପାରିବ । ଏହାସହ ବିଶ୍ୱସ୍ତରୀୟ ଶିକ୍ଷା ଅନୁଷ୍ଠାନ ଭଳି ଏହା ପ୍ରସ୍ତୁତ ହେବ । ଯେଉଁଥିରେ ସାରା ବିଶ୍ୱରେ ଭାରତର ନାମ ପ୍ରସାର ହେବ । ଶିକ୍ଷାନୁଷ୍ଠାନ କିପରି ଭାବରେ ଆଗକୁ ବଢିବ ଓ ସ୍ୱତନ୍ତ୍ରତା ବଜାୟ ରଖିବ ତାହା ଉପରେ ଧ୍ୟାନ ରଖାଯିବ ବୋଲି ଜାଭେଦ କର କହିଛନ୍ତି । ଏହି ଅନୁଷ୍ଠାନରେ ଛାତ୍ରଛାତ୍ରୀଙ୍କୁ ସମସ୍ତ ପ୍ରକାର ସହାୟତା ଯୋଗାଇ ଦେବା ସହ ଛାତ୍ର ବୃତ୍ତି, ବିଭିନ୍ନ ପ୍ରକାର ବୃତ୍ତି ମଧ୍ୟ ପ୍ରଦାନ କରାଯିବ ବୋଲି ଜଣାପଡିଛି ।