ଆମେରିକାର ବର୍ଜିନୀୟା ପ୍ରାନ୍ତରେ ଜଣେ ବ୍ୟକ୍ତି ଏକ ସରକାରୀ ବିଲଡିଙ୍ଗ୍ କୁ ଟାର୍ଗେଟ୍ କରି ଗୁଳି ବର୍ଷଣ କରିଥିଲେ । ଭୀଷଣ ଗୁଳିବର୍ଷା କାରଣରୁ ୧୧ ଜଣ ଲୋକଙ୍କ ମୃତ୍ୟୁ ହୋଇଯାଇଛି ଏବଂ ୬ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ଅଛନ୍ତି । ବର୍ଜିନୀୟାର ମ୍ୟୁନସିପାଲ୍ ସେଣ୍ଟରରେ ଏହି ଘଟଣା ଘଟିଛି । ପୋଲିସ୍ ସୁଚନା ମୁତାବକ , ଅଭିଯୁକ୍ତ ଉକ୍ତ ବିଲଡିଙ୍ଗ୍ ର ଜଣେ କର୍ମଚାରୀ । ସୂତ୍ର ଅନୁସାରେ ପୋଲିସ୍ ଘଟଣାସ୍ଥଳରେ ହିଁ ଆତତାୟୀକୁ ଗୁଳି ମାରି ହତ୍ୟା କରିଛି ତେବେ ଏ ପର୍ଯ୍ୟନ୍ତ ଅଭିଯୁକ୍ତର ପରିଚୟ ହୋଇପାରିନାହିଁ । ଶୁକ୍ରବାର ଅପରାହ୍ନ ୪ ଟା ସମୟରେ ଏହି ଘଟଣା ଘଟିଥିଲା ।
Kanak News is now on WhatsApp
Join and get latest news updates delivered to you via WhatsApp
What we know about the #VirginiaBeach shooting:
⁰—One shooter, deceased
—At least 11 people dead
—At least 6 people hospitalized
—Governor Ralph Northam said his team is “actively monitoring the situation” https://t.co/Lp72A6E2Uj pic.twitter.com/kXfk3RwwXT— CBS News (@CBSNews) May 31, 2019
ଏହି ଘଟଣାରେ ଜଣେ ପୋଲିସ୍ କର୍ମଚାରୀ ମଧ୍ୟ ଆହତ ହୋଇଛନ୍ତି । ଏ ପର୍ଯ୍ୟନ୍ତ ଆତତାୟୀର ଗୁଳିବର୍ଷଣ କରିବାର କାରଣ ଜଣାପଡିନଥିବା ବେଳେ ଅଭିଯୁକ୍ତ ଏକାକୀ ଏଭଳି ଘଟଣା ଘଟାଇଛି ବୋଲି ବିଶେଷ ସୂତ୍ରରୁ ଜାଣିବାକୁ ମିଳିଛି । ଘଟଣା ପରେ ଆଖପାଖର ସବୁ ବିଲଡିଙ୍ଗ୍ କୁ ଖାଲି କରି ଦିଆଯାଇଛି । ଘଟଣାସ୍ଥଳରେ ଏଫବିଆଇର ଅଧିକାରୀ ପହଂଚି ମାମଲାର ଜାଞ୍ଚ୍ କରୁଛନ୍ତି ।