ସୁପର ସଣ୍ଡେରେ ରୋହିତ୍-ରାହୁଲ ସୋ’ । ପାକିସ୍ତାନ ବିପକ୍ଷରେ ଭାରତୀୟ ସଲାମୀ ଯୋଡ଼ିଙ୍କ ଶାନଦାର ଶତକୀୟ ପାର୍ଟନରସିପ୍ ।

57

କନକ ବ୍ୟୁରୋ : ମାଞ୍ଚଷ୍ଟର ମୈଦାନରେ ରୋହିତ-ରାହୁଲଙ୍କ ସୁପରହିଟ ସୋ’ । କ୍ରିକେଟ୍ ବିଶ୍ୱକପ୍ ମହାଲଢ଼େଇରେ ପାକିସ୍ତାନ ଉପରେ ଭାରି ପଡୁଛି ବିରାଟ ବାହିନୀ । ମାଞ୍ଚେଷ୍ଟର ମୈଦାନରେ ପାକିସ୍ତାନ ବିପକ୍ଷରେ ରୋହିତ ଶର୍ମାଙ୍କ ଶାନଦାର ଅର୍ଦ୍ଧଶତକ । ମାତ୍ର ୩୫ ବଲରୁ ୨ଟି ଛକା ଓ ୬ଟି ଚୌକା ବଳରେ ଦମଦାର ଅର୍ଦ୍ଧଶତକ ହାସଲ କରିଛନ୍ତି ରୋହିତ । ଅନ୍ୟପଟେ ବିଶ୍ୱକପରେ ପ୍ରଥମ କରି ଓପନିଂ ଦାୟିତ୍ୱରେ ଆସିଥିବା କେ.ଏଲ ରାହୁଲ ମଧ୍ୟ ନିଜର ଅର୍ଦ୍ଧ ଶତକ ଅଭିମୂଖେ ବଢିବା ସହ ପାକିସ୍ତାନ ବୋଲରଙ୍କୁ ନିର୍ଦ୍ଧୁମ ପିଟୁଛନ୍ତି । ଆଉ ଭାରତକୁ ଏକ ଜବରଦସ୍ତ ଆରମ୍ଭ ଦେଇଛନ୍ତି ରୋହିତ ଏବଂ ରାହୁଲ ।

ଶେଷ ରିପୋର୍ଟ ସୁଦ୍ଧା ଭାରତ ୧୮.୧ ଓଭର ଖେଳି ବିନା କୌଣସି ୱିକେଟ ହରାଇ ୧୦୨ ରନ ସଂଗ୍ରହ କରିଛି । ରୋହିତ ଓ ରାହୁଲ ଯୋଡି ଭାରତକୁ ଏକ ବଡ ସ୍କୋର ଅଭିମୁଖେ ନେଉଛନ୍ତି । ରୋହିତ ୬୨ ରନ କରି ଅପରାଜିତ ଥିବା ବେଳେ ରାହୁଲ ୩୭ ରନ ଖେଳି ରୋହିତଙ୍କୁ ସାଥ୍ ଦେଉଛନ୍ତି । ଏହାପୂର୍ବରୁ ପାକିସ୍ତାନ ପ୍ରଥମେ ଟସ୍ ଜିତି ବୋଲିଂ କରିବାକୁ ନିଷ୍ପତି ନେଇଥିଲା । ଧୱନଙ୍କ ଅନୁପସ୍ଥିତିରେ ଭାରତୀୟ ଟିମରେ ଗୋଟିଏ ପରିବର୍ତ୍ତନ ହୋଇଥିବା ବେଳେ ବିଜୟ ଶଙ୍କର ପ୍ରଥମ ବିଶ୍ୱକପ ଡେବ୍ୟୁ କରିଛନ୍ତି । ସେପଟେ ରୋହିତଙ୍କ ସହ ଓପନ କରିଛନ୍ତି ରାହୁଲ ।

Comments are closed.