କନକ ବ୍ୟୁରୋ : ଧାମନଗରରୁ ନାଗଛୁଆ ଉଦ୍ଧାର । ପାଇକସାହିରେ ରହୁଥିବା ବିଜୟ ଭୂୟାଁଙ୍କ ଘରୁ ୧୩୨ଟି ନାଗସାପ ଉଦ୍ଧାର ପରେ ଆଜି ପୁଣି ଧାମନଗର କଂଟାବଣିଆ ଗାଁର ଗୌରାଙ୍ଗ ଜେନାଙ୍କ ଘରୁ ୧୦ରୁ ଅଧିକ ନାଗଛୁଆଙ୍କୁ ଉଦ୍ଧାର କରାଯାଇଛି । ମାଟିଘରେ ଥିବା ଏକ ଶିଳପୂଆ ତଳେ ଥିବା ଗାତ ଭିତରେ ଏହି ନାଗଛୁଆମାନେ ଥିଲେ । ଘର ମାଲିକଙ୍କ ପୁଅ ଏହି ନାଗଛୁଆମାନଙ୍କୁ ଧରିଥିଲେ । ଗାତ ଭିତରେ ଅଧିକ ନାଗ ସାପ ଥିବା ଅନୁମାନ କରାଯାଉଛି । ନାଗ ସାପଙ୍କୁ ଉଦ୍ଧାର କରିବା ପରେ ସ୍ନେକ ହେଲ୍ପ ଲାଇନର ସଦସ୍ୟଙ୍କୁ ଖବର ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଭଦ୍ରକର ଗୋଟିଏ ପରେ ଗୋଟିଏ ଗାଁରେ ନାଗ ସାପ ଉଦ୍ଧାର କରାଯାଉଥିବା ବେଳେ ଏହାକୁ ନେଇ ଏବେ ଚର୍ଚ୍ଚା ଜୋର ଧରିଛି । ଏକାଥରକେ ଏତେ ସଂଖ୍ୟକ ନାଗ ସାପ ବାହାରୁଥିବାରୁ ଏବେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି । ଘରେ ମଧ୍ୟ ଲୋକ ନିଜକୁ ନିରାପଦ ମଣୁନାହାନ୍ତି । ଧାମନଗରର ନାଗବଂଶ କଥା ସେତେବେଳେ ସାମ୍ନାକୁ ଆସିଥିଲା ଯେତେବେଳେ ପାଇକସାହିର ବିଜୟ ଭୂୟାଁଙ୍କ ଘରେ ଥିବା ଉଇ ହୁଙ୍କା ମଧ୍ୟରୁ ୧୩୨ଟି ନାଗସାପ ଉଦ୍ଧାର କରାଯାଇଥିଲା ।