ଆର୍ଥିକ ବର୍ଷ ୨୦୧୯-୨୦ ପାଇଁ ବଜେଟ ଉପସ୍ଥାପନ କରି ଡିଜିଟାଲ ଭିଲେଜ୍ ପ୍ରସ୍ତୁତ ନେଇ ପୀୟୁଷ ଗୋଏଲ ଘୋଷଣା କରିଛନ୍ତି । ପାଖାପାଖି ୫ ବର୍ଷ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡିଜିଟାଲ ଇଣ୍ଡିଆର ଶୁଭାରମ୍ଭ କରିଥିଲେ । ଲଗାତର ଭାବରେ ଏହା ଅନୁସାରେ ଅନେକ ନୂଆ ଯୋଜନା ଲଂଚ କରାଯାଇଛି । ଗ୍ରାମାଂଚଳ ମାନଙ୍କରେ ଏ ଫାଇବର ବିଛା ଯାଇଛି । ଗାଁଗୁଡିକରେ ୱାଇଫାଇ କନେକ୍ସଟିଭିଟି ପହଂଚାଇବା ପାଇଁ କାମ କରାଯାଉଛି । ୯୦ ପ୍ରତିଶତରୁ ଅଧିକ ଭାରତୀୟ ନାଗରୀକଙ୍କର ଆଧାର କାର୍ଡ ପ୍ରସ୍ତୁତ କରାଯାଇଛି । ସେହିପରି ସରକାରଙ୍କ ତରଫରୁ ଗ୍ରାମୀଣ ଅଂଚଳମାନଙ୍କରେବ ବିଭିନ୍ନ ସେଂଟର ମଧ୍ୟ ନିର୍ମାଣ କରାଯାଇଛି । ଏଥିପାଇଁ ୪୦ ହଜାର ଗ୍ରାମ ପଂଚାୟତରେ ୱାଇଫାଇ ହଟସ୍ପର୍ଟ ଲଗାଯାଇଛି ବୋଲି ପୀୟୁଷ ଗୋଏଲ ଦାବି ବଜେଟ୍ ଉପସ୍ଥାପନ କଲା ବେଳେ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସଂସଦରେ ବଜେଟ୍ ଉପସ୍ଥାପନା କରିବା ସହିତ କେନ୍ଦ୍ରମନ୍ତ୍ରୀ ପୀୟୁଷ ଗାଏଲ କହିଛନ୍ତି କିି, ଭାରତ ଷ୍ଟାର୍ଟଅପର ଦ୍ୱିତୀୟ ସବୁଠାରୁ ବଡ ହବ୍ ପାଲଟିଯାଇଛି । ସରକାରଙ୍କ ତରଫରୁ ଆର୍ଟିଫିସିଆଲ ଇଂଟେଲିଜେନ୍ସ ଟେକ୍ନୋଲୋଜି ଉପରେ ପ୍ରୋଗ୍ରାମ ପ୍ରସ୍ତୁତ କରାଯାଇଛି । ଏବଂ ନ୍ୟାସନାଲ ସେଂଟର୍ସ ମଧ୍ୟ ନିର୍ମାଣ କରାଯାଇଛି । ଏଥିସହିତ ହିଁ ସେଂଟର ଅଫ ଏକ୍ସଲେନ୍ସ ବି ପ୍ରସ୍ତୁତ କରାଯାଇଛି । ନ୍ୟାସନାଲ ଆର୍ଟିଫିସିଆଲ ଇଂଟେଲିଜେନ୍ସ ପୋର୍ଟାଲ ଖୁବ୍ ଶୀଘ୍ର ପ୍ରସ୍ତୁତ ହେବ ।
ପୀୟୁଷ ଗୋଏଲ ବଜେଟ୍ ୨୦୧୯, ଅବସରରେ ଡିଜିଟାଲ ଇଣ୍ଡିଆକୁ ନେଇ ଏକଥା କହିଛନ୍ତି କି,
• ମୋବାଇଲ ଡାଟା ବ୍ୟବହାର କରିବାରେ ଭାରତ ୧ ନମ୍ବର ଦେଶ ରହିଛି
• ମାସିକ ଡାଟା କନଜପ୍ସନ ୫୦ ଗୁଣା ବୃଦ୍ଧି ପାଇଛି
• ବିଶ୍ୱରେ ସବୁଠାରୁ ଶସ୍ତା ଡାଟା ଏବଂ କଲିଂ ରହିଛି
• ମୋବାଇଲ କଂପାନୀଗୁଡିକ ଭାରତରେ ନିଯୁକ୍ତି ଦେଉଛନ୍ତି
• କମନ ସର୍ଭିସ ସେଂଟର ଗ୍ରାମୀଣ ଅଂଚଳମାନଙ୍କରେ ବୃଦ୍ଧି ପାଉଛି ଏବଂ ଡିଜିଟାଲ ଭିଲେଜ ପ୍ରସ୍ତୁତ ହେଉଛି ।
• ଆଗାମୀ ୫ ବର୍ଷ ମଧ୍ୟରେ ୧ ଲକ୍ଷ ଡିଜିଟାଲ ଭିଲେଜ ପ୍ରସ୍ତୁତ କରାଯିବ ।
ସେହିଭଳି ଆର୍ଥିକ ବର୍ଷ ୨୦୧୯-୨୦ ପାଇଁ ବଜେଟ ଉପସ୍ଥାପନ କରି ମଧ୍ୟବିତ୍ତଙ୍କ ପାଇଁ ସବୁଠାରୁ ବଡ ଘୋଷଣା କରିଛନ୍ତି । ଆୟକର ରିହାତି ସୀମା ୨.୫ ଲକ୍ଷରୁ ବଢାଇ ୫ ଲକ୍ଷ ଟଙ୍କା କରିଛନ୍ତି କାମଚଳା ଅର୍ଥମନ୍ତ୍ରୀ । ଅର୍ଥାତ୍ ୫ ଲକ୍ଷ ଟଙ୍କା ପର୍ୟ୍ୟନ୍ତ ଆୟ ଉପରେ କୈାଣସି ଟିକସ ଦେବାକୁ ପଡିବ ନାହିଁ । ପୂର୍ବରୁ ଅଢେଇ ଲକ୍ଷ ଟଙ୍କା ଆୟ ଉପରେ ୦% ଟିକସ ଦେବାକୁ ପଡୁଥିଲା । ଏବେ ମୋଦି ସରକାର ନିଜ ଶେଷ ବଜେଟରେ ବଡ ଘୋଷଣା କରି ମୋଦି ନେଇଛନ୍ତି ଏକ ବଡ ପଦକ୍ଷେପ । ପୂର୍ବରୁ ବଜେଟରେ ଆୟକର ରିହାତି ନେଇ ମଧ୍ୟ ପୂର୍ବାନୁମାନ କରାଯାଉଥିଲା ।
ସେହିଭଳି ସାଢେ ୬ ଲକ୍ଷ ଟଙ୍କାର ନିବେଶ ଉପରେ ମଧ୍ୟ କୈାଣସି ଟିକସ ଦେବାକୁ ପଡିବ ନାହିଁ ବୋଲି ମଧ୍ୟ ପୀୟୁଷ ଗୋୟଲ ଘୋଷଣା କରିଛନ୍ତି । ଅର୍ଥାତ୍ ଯଦି ଆପଣ ସାଢେ ୬ ଲକ୍ଷ ଟଙ୍କା ପର୍ୟ୍ୟନ୍ତ ଆୟ କରୁଛନ୍ତି ଏବଂ ଏଥିରେ ଆପଣ ନିବେଶ ମଧ୍ୟ କରୁଛନ୍ତି, ତେବେ ଆପଣଙ୍କୁ କୈାଣସି ଆୟକର ଦେବାକୁ ପଡିବ ନାହିଁ । ଦେଶରେ ପାଖାପାଖି ୩ କୋଟି ମଧ୍ୟବିତ୍ତ ପରିବାର ଯେଉଁମାନେ ଆୟକର ପରିଧି ଭିତରକୁ ଆସୁଥିଲେ, ସେମାନେ ଏଥିରୁ ଉପକୃତ ହେବା ଅନୁମାନ କରାଯାଉଛି ।