ଭୁବନେଶ୍ୱର ବିମାନ ବନ୍ଦରରୁ ବିଦେଶୀ ସିଗାରେଟ ଜବତ: ୧୨ ଲକ୍ଷ ଟଙ୍କାର ୪୦୦ ପ୍ୟାକେଟ ସିଗାରେଟ କୁଆଲାଲମପୁରରୁ ଚାଲାଣ ହେଉଥିଲା କୋଲକତା
୨ ଯାତ୍ରୀ ଅଟକ
କନକ ବ୍ୟୁରୋ: ଭୁବନେଶ୍ୱର ବିମାନବନ୍ଦର ଦେଇ ବେଧଡକ ଚାଲିଛି ଚୋରାଚାଲାଣ । ସୁନା ପରେ ୧୨ ଲକ୍ଷ ଟଙ୍କାର ବିଦେଶୀ ସିଗାରେଟ ଜବତ କରିଛି ଡିଆରଆଇ । ପ୍ରାୟ ୪ ଶହ ପ୍ୟାକେଟ ଜବତ ହୋଇଛି । ଘଟଣାରେ ୨ ଯାତ୍ରୀ ଅଟକ ଅଛନ୍ତି । ଏହା କୁଆଲାଲମ୍ପୁରୁ କୋଲକାତା ଚାଲାଣ ହେଉଥିଲା । ଏୟାର ଏସିଆ ବିମାନରେ ହେଉଥିଲା ଚାଲାଣ । ପୂର୍ବରୁ ବିମାନବନ୍ଦରରେ ସୁନା ଚୋରାଚାଲାଣ ବେଳେ ଧରାପଡିଥିଲା । ଏବେ ବିଦେଶୀ ସିଗାରେଟ ଧରାପଡିବା ଘଟଣା ବିମାନବନ୍ଦର କର୍ତ୍ତୃପକ୍ଷଙ୍କ ଚିନ୍ତାକୁ ବଢାଇଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦରରୁ ଦୁଇ ଜଣ ଯାତ୍ରୀଙ୍କଠାରୁ ଆଜି ରାଜସ୍ୱ ଗୁଇନ୍ଦା ବିଭାଗ ଦ୍ୱାରା ୪୦୦ ପ୍ୟାକେଟ ବିଦେଶୀ ସିଗାରେଟ ଜବତ କରାଯାଇଥିବା ଜଣାଯାଇଛି । ଏହି ସିଗାରେଟ କୁଆଲାଲୁମପୁରରୁ ଏୟାର ଏସିଆ ବିମାନ ଯୋଗେ ଚାଲାଣ ହେଉଥିଲା ବୋଲି ଜଣାଯାଇଛି। ଯେଉଁ ୨ଯାତ୍ରୀଙ୍କ ନିକଟରୁ ୪୦୦ ପ୍ୟାକେଟ ବିଦେଶୀ ସିଗାରେଟ ହୋଇଛି, ଉଭୟଙ୍କ ଘର କୋଲକାତାରେ ବୋଲି ଜଣାପଡ଼ିଛି । ଜବତ ସିଗାରେଟର ଆନୁମାନିକ ମୂଲ୍ୟ ୧୨ଲକ୍ଷ ଟଙ୍କା ହେବ ବୋଲି କୁହାଯାଉଛି । ଏହି ଘଟଣାରେ ସମ୍ପୃକ୍ତ ୨ଯାତ୍ରୀଙ୍କୁ ଅଟକ ରଖି ପଚରାଉଚରା କରାଯାଉଥିବାର ସୂଚନା ମିଳିଛି ।
ଗତ କିଛି ଦିନ ତଳେ ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦରରୁ ବି ସୁନା ବିସ୍କୁଟ ଜବତ ହୋଇଥିଲା।ଏହାପରେ ଏବେ ଚର୍ଚ୍ଚା ଜୋର ଧରିଛି କି ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦରରୁ ଚୋରାଚାଲାଣକାରୀଙ୍କ ପେଣ୍ଠସ୍ଥଳ ପାଲଟିଛି।