ବୌଦ୍ଧ ମନମୁଣ୍ଡାରେ ବିଜେପି କର୍ମୀଙ୍କୁ ନିସ୍ତୁକ ମାଡ ଘଟଣା : ସାମ୍ନାକୁ ଆସିଲା ବିଜେଡି ନେତାଙ୍କ ଦାଦାଗିରିର ଆଉ ଏକ ଭିଡିଓ
ବୌଦ୍ଧ : ସାମ୍ନାକୁ ଆସିଛି ଢିସୁମ ପାର୍ଟ ଟୁ । ବୌଦ୍ଧ ଜିଲ୍ଲା ମନମୁଣ୍ଡାରେ ବିଜେଡି ନେତା ବିଜେପି କର୍ମୀଙ୍କୁ ଆକ୍ରମଣ କରିବାର ଆଉ ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ସ୍ପଷ୍ଟ ଭାବରେ ବାରି ହୋଇପଡୁଛି ବିଜେଡି ନେତା ଓ କର୍ମୀଙ୍କ ଦାଦାଗିରି । ଏହି ଭିଜୁଆଲରେ ଦେଖିବାକୁ ମିଳୁଛି କିପରି ବିଜେଡି ନେତା ଛେଚି ଦେଇ ଯାଉଛନ୍ତି ବିଜେପି କର୍ମୀଙ୍କୁ । ଜଣେ ବିଜେପି କର୍ମୀଙ୍କ ଉପରେ ଦାଉ ସାଜୁଛନ୍ତି ନିଜକୁ ଶୃଙ୍ଖଳିତ କହୁଥିବା ବିଜେଡି ଦଳର କର୍ମୀ । ଲାତ, ଗୋଇଠା ଓ ନିର୍ଦ୍ଧୁମ ମାଡ । ଏକୁଟିଆ ବିଜେପି କର୍ମୀ ନିଜକୁ ବଂଚାଇବାକୁ ପ୍ରାଣପଣେ ଉଦ୍ୟମ କରୁଛନ୍ତି । ହେଲେ ନିର୍ଦ୍ଦୟତାର ସବୁ ସୀମା ଟପି ଯାଇଥିଲେ ବିଜେଡି ନେତା । ଏତିକିରେ ବି ମନ ବୁଝିଲାନି । ଅଳିଆଗଦାକୁ ଟାଣି ନେଇ ନିର୍ଦ୍ଧୁମ ପିଟିଲେ । ଆଉ ଏହାପରେ ଅତି ଆରାମରେ ମନ୍ତ୍ରୀ ପୁଷ୍ପେନ୍ଦ୍ର ସିଂଦେଓଙ୍କ ଗାଡିରେ ବସି ଚାଲିଗଲେ । ସେପଟେ ପାଖରେ ଥିବା ଖାକି ବାବୁମାନେ ବି ଶାସକ ଦଳର ଏହି କର୍ମୀ ମାନଙ୍କୁ ଅଟକାଇବାକୁ ସାହାସ ଜୁଟାଇ ପାରୁନଥିଲେ । ଆଉ ନୀରବଦ୍ରଷ୍ଟା ସାଜିଥିଲା ପୁଲିସ । ପ୍ରଥମେ ବରଗଡରେ କେନ୍ଦ୍ର ମନ୍ତ୍ରୀଙ୍କୁ ଆକ୍ରମଣ ଓ ଏବେ ବୈାଦ୍ଧରେ ବିଜେପି କର୍ମୀଙ୍କୁ ଆକ୍ରମଣ । ଇଏ ବିଜେଡିର ରାଜନୈତିକ ଅସହିଷ୍ଣୁତା ନୁହେଁ ତ? କଣ ଗଣତାନ୍ତ୍ରିକ ବ୍ୟବସ୍ଥା ମଧ୍ୟରେ ବିରୋଧୀ ଦଳର ବିରୋଧ କରିବାର ଅଧିକାର ନାହିଁ?
Kanak News is now on WhatsApp
Join and get latest news updates delivered to you via WhatsApp
ବିଜେଡି ନେତା ଓ କର୍ମୀଙ୍କ ଏହି ଦାଦାଗିରି ବିରୋଧରେ ୪ ଦିନ ହେଲା ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଅନଶନରେ ବସିରହିଛନ୍ତିି ବିଜେପି କର୍ମୀ । ଶାସକ ଦଳର ଗୁଣ୍ଡାରାଜର ତୀବ୍ର ପ୍ରତିବାଦ କରିବା ସହ ଦୋଷୀ ବିଜେଡି କର୍ମୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଏପରିକି ଆଗାମୀ ୪ ତାରିଖରେ ବୌଦ୍ଧ ଜିଲ୍ଲା ବନ୍ଦ ଡାକରା ଦେଇଛି ବିଜେପି ।