ଫେସବୁକରୁ ତଥ୍ୟ ଚୋରୀ ନେଇ କ୍ଷମା ମାଗିଲେ ଜୁକରବର୍ଗ ! ଫେସବୁକ ପୋଷ୍ଟରେ ଲେଖିଲେ, ତଥ୍ୟ ସୁରକ୍ଷା ମୋ ଦାୟିତ୍ୱ
କନକ ବ୍ୟୁରୋ : ଫେସବୁକରୁ ତଥ୍ୟ ଚୋରୀ ମାମଲାରେ ଫେସବୁକର ସିଇଓ ମାର୍କ ଜୁକରବର୍ଗ କ୍ଷମା ମାଗିବା ସହ ବଡ ପଦକ୍ଷେପ ନେଇଥିବା ନେଇ ସୂଚନା ଦେଇଛନ୍ତି । ଏନେଇ ସେ ଫେସବୁକ୍ ଆକାଉଂଟରେ ସୂଚନା ଦେଇଛନ୍ତି । ସେ ଲେଖିଛନ୍ତି ଲୋକଙ୍କ ତଥ୍ୟ ସୁରକ୍ଷିତ ରଖିବା ତାଙ୍କର ଦାୟିତ୍ୱ । ଏଥିରେ ସେ ବିଫଳ ହେବା ଅର୍ଥ ଏହା ତାଙ୍କର ଭୁଲ ବୋଲି ସେ ସ୍ୱୀକାର କରିଛନ୍ତି । ତେବେ ତ୍ରୁଟିକୁ ସୁଧାରିବା ନେଇ ପଦକ୍ଷେପ ନିଆଯାଉଥିବା ସେ ଉଲ୍ଲେଖ କରିଛନ୍ତି । ଭୁଲରୁ ଶିଖିବା ପାଇଁ ଫେସବୁକ୍ ଚେଷ୍ଟା କରୁଛି ଏବଂ ଏନେଇ ପଦକ୍ଷେପ ନିଆଯାଉଥିବା ନେଇ ସେ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଫେସବୁକର ପ୍ରତିଷ୍ଠା ଭାବରେ ଏଥିରେ ଦେଖାଯାଉଥିବା ତ୍ରୁଟି ବିଚ୍ୟୁତି ପାଇଁ ଏହାର ଉତ୍ତର ଦାୟିତ୍ୱ ତାଙ୍କର ବୋଲି ମାର୍କ ଜୁକରବର୍ଗ ଉଲ୍ଲେଖ କରିଛନ୍ତି । ଆଗକୁ ଫେସବୁକରେ କେତେକ ପରିବର୍ତ୍ତନ କରିବା ନେଇ ସେ ଘୋଷଣା କରିଛନ୍ତି । ଅଧିକ ସୁରକ୍ଷିତ କରିବା ନେଇ ଆପ୍ରେ ଅପଡେଟ୍ କରାଯିବ ବୋଲି ଜୁକରବର୍ଗ କହିଛନ୍ତି । ଅନ୍ୟପଟେ ୩ ମାସ ଧରି ଫେସବୁକ ବ୍ୟବହାର ନକଲେ ଏହା ଡିଆକ୍ଟିଭ କରାଯିବା ପାଇଁ ବ୍ୟବସ୍ଥା ହେବ ବୋଲି ଜଣାପଡିଛି । ଆମେରିକାର ରାଷ୍ଟ୍ରପତି ନିର୍ବାଚନ ସମୟରେ ଡୋନାଲ୍ଡ ଟ୍ରମ୍ପ କେମ୍ବ୍ରିଜ୍ ଆନାଲିଟିକା ପ୍ରାୟ ୫ କୋଟି ଫେସବୁକ୍ ବ୍ୟବହାରକାରୀଙ୍କ ତଥ୍ୟ ଚୋରୀ କରିଥିବା ନେଇ ଅଭିଯୋଗ ହୋଇଥିଲା । ଏହାକୁ ନେଇ ଟ୍ରମ୍ପଙ୍କ ଭାବମୂର୍ତି ଭଲ ବା ଖରାପ କରିବା ପାଇଁ ବ୍ୟବହାର ହୋଇଥିବା କୁହାଯାଉଛି ।