ପରୀକ୍ଷା ଦେବାକୁ ପିଲାଙ୍କ ବିପଦସଙ୍କୁଳ ଯାତ୍ରା : ଟ୍ରାକ୍ଟର ଉପରେ ବସି ନଦୀ ପାର ହେଲେ ଦଶମ ଶ୍ରେଣୀ ଛାତ୍ରଛାତ୍ରୀ, ସୋସିଆଲ ମିଡିଆରେ ଭାଇରାଲ ହେଉଛି ବରଗଡ ପାଇକମାଲର ବିଚିତ୍ର ଦୃଶ୍ୟ
କନକ ବ୍ୟୁରୋ : ଟ୍ରାକ୍ଟରରେ ବସି ଦଶମ ଶ୍ରେଣୀ ପରୀକ୍ଷା ଦେବାକୁ ଯାଉଛନ୍ତି ଛାତ୍ରଛାତ୍ରୀ । ଏପରି ଅଭାବନୀୟ ଘଟଣା ଦେଖିବାକୁ ମିଳିଛି ବରଗଡ ଜିଲ୍ଲା ପାଇକମାଲ ବ୍ଲକ ଚର୍ଦ୍ଦାପାଲି ଠାରେ । ପରୀକ୍ଷା ଦେବା ପାଇଁ କିଛି ଛାତ୍ରଛାତ୍ରୀ ଟ୍ରାକ୍ଟରରେ ଓ କିଛି ପିଲା ଚାଲି ଚାଲି ନଈ ପାର ହେଉଥିବା ଦୃଶ୍ୟ କ୍ୟାମେରାରେ କଏଦ ହୋଇଛି । ଏହି ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଚର୍ଦ୍ଦାପାଲ ଆଦିବାସୀ ହରିଜନ କଲ୍ୟାଣ ବିଭାଗ ଆବାସିକ ଉଚ୍ଚ ବିଦ୍ୟାଳୟର ଛାତ୍ରଛାତ୍ରୀ ଦଶମ ପରୀକ୍ଷା ଦେବା ପାଇଁ ଜଗଦଲପୁର ସ୍କୁଲକୁ ଯାଉଛନ୍ତି । ଏବେ ଅଦିନିଆ ବର୍ଷା ଯୋଗୁଁ ଅଙ୍ଗ ନଦୀରେ ପାଣି ଆସୁଛି । ତେଣୁ ଛାତ୍ରଛାତ୍ରୀମାନେ ଟ୍ରାକ୍ଟରରେ ବସି ନଈ ପାର ହେଉଛନ୍ତି । ନଈ ସେପଟେ ଏକ ବଲେରୋରେ ବସି ଚର୍ଦାପାଲିରୁ ୧୩ କିଲୋମିଟର ଦୂରରେ ଥିବା ଜଗଦଲପୁର ସ୍କୁଲକୁ ପରୀକ୍ଷା ଦେବାକୁ ଯାଉଛନ୍ତି । ଗମନା ଗମନର ସୁବିଧା ନଥିବା ହେତୁ ଛାତ୍ରଛାତ୍ରୀ ମାନେ ବଧ୍ୟ ହୋଇ ଏପରି ଦୟନୀୟ ଅବସ୍ଥାରେ ଯାତାୟତ କରୁଥବା ଜଣା ପଡିଛି । ପରୀକ୍ଷା ପାଇଁ ପିଲାଙ୍କ ଏପରି ବିପଦ ସଙ୍କୁଳ ଯାତ୍ରାକୁ ନେଇ ବିଭିନ୍ନ ମହଲରେ ଉଦବେଗ ପ୍ରକାଶ ପାଇଛି ।
ପ୍ରାୟତଃ ସମୟ ଚର୍ଦାପାଲି ଅଂଚଳ ଅଙ୍ଗନଦୀ ଯୋଗୁ ଉପଖଣ୍ଡ ଠାରୁ ବିଛିନ୍ନ ହୋଇ ରହିଥାଏ । ବର୍ଷା ଦିନ ଏଠାକୁ ଯିବା ଆସିବା ପାଇଁ କେବଲ ମାତ୍ର ଡଙ୍ଗା ହିଁ ଏକ ମାତ୍ର ଭରସା ।